અમેરિકાએ શું બનાવ્યું કે ચીન આવ્યું ટેન્શનમાં ? જુઓ

રિમ ઓફ ધ પેસિફિક એક્સરસાઇઝ 2024 તાજેતરમાં અમેરિકાના હવાઇ ટાપુઓ પર પૂર્ણ કરવામાં આવી હતી. જેમાં 29 દેશોના 40 સરફેસ જહાજ, ત્રણ સબમરીન, 14 દેશોના લેન્ડ ફોર્સ, 150થી વધુ ફાઈટર જેટ અને 25,000થી વધુ આર્મી જવાનોએ ભાગ લીધો હતો, પરંતુ આ કવાયતમાં લોકોનું ધ્યાન ત્યારે પડ્યું જ્યારે અમેરિકાના ઓછા ખર્ચે બનેલા એક નવા બોમ્બએ નિવૃત્ત જહાજને એક જ ઝટકામાં ડૂબાડી દીધું હતું. ચીન આ બધુ જોઈને ટેન્શનમાં છે.

યુએસ એરફોર્સે તેના ખતરનાક બી-2 બોમ્બર સાથે આ ઓછી કિંમતના બોમ્બનું સફળતાપૂર્વક પ્રદર્શન કર્યું હતું. તેની વિશેષતા એ છે કે આ ખૂબ જ નાનો, શાંત અને સસ્તો બોમ્બ સપાટી પરના જહાજને સરળતાથી ડૂબાડી શકે છે. આ બધુ જોઈને ચીનનું ટેન્શન વધી ગયું છે.

પ્રશાંત મહાસાગરમાં અમેરિકા અને તેના સહયોગી દેશોની સફળ સૈન્ય કાર્યવાહીથી ચીન ચિંતિત થવા લાગ્યું છે. હકીકતમાં, છેલ્લા કેટલાક વર્ષોથી, અમેરિકા અને ચીન દક્ષિણ ચીન સાગર અને તાઈવાનને લઈને કોઈને કોઈ રીતે એકબીજા સાથે ઝઘડામાં છે.
ક્વીકસિંક નામ અપાયું
અમેરિકાનો આ નાનો બોમ્બ, જેને ક્વિકસિંક નામ આપવામાં આવ્યું છે, તે ચોક્કસપણે ચીનને ચિંતામાં મૂકશે કારણ કે આ સસ્તામાં બનેલો બોમ્બ સમુદ્રની સપાટી પર ફરતા કોઈપણ જહાજને આંખના પલકારામાં નષ્ટ કરી શકે છે. બીજી તરફ ચીન દક્ષિણ ચીન સાગરથી તાઈવાન-ફિલિપાઈન્સ સુધી પોતાના દરિયાઈ જહાજોને ઘેરી રહ્યું છે.

અમેરિકી સેનાએ આ ઓછી કિંમતના બોમ્બને પ્રશાંત મહાસાગરમાં ચીન સાથે ભાવિ યુદ્ધ માટે મહત્વપૂર્ણ ગણાવ્યો છે. યુએસ આર્મી પાસેથી મળેલી માહિતી અનુસાર, આ શોર્ટ રેન્જ બોમ્બે કવાયતમાં 820 ફૂટ લાંબા અને 39,000 ટનના ઉભયજીવી જહાજને સરળતાથી નષ્ટ કરી નાખ્યું. યુએસ એરફોર્સે તેને ‘ક્વિકસિંક’ નામ આપ્યું છે.

ઓછી કિંમતના બોમ્બની જરૂર
યુ.એસ. સૈન્યએ તેની 19 જુલાઈની સામાન્ય બ્રીફિંગમાં જણાવ્યું હતું કે આ ક્ષમતા વિશ્વના મહાસાગરોની વિશાળ દરિયાઈ સપાટી પરના કોઈપણ ખતરાને ઝડપથી નિષ્ક્રિય કરવાની તાત્કાલિક જરૂરિયાતનો પ્રતિભાવ છે,