પેલેસ્ટાઇનના રાષ્ટ્રપતિ પરથી કેવી રીતે ઘાત ગઈ ? જુઓ

ઈઝરાયેલ-હમાસ યુદ્ધ વચ્ચે પેલેસ્ટાઈનના રાષ્ટ્રપતિ મહમૂદ અબ્બાસના કાફલા પર જીવલેણ હુમલો થયો હતો. જો કે તેઓ બચી ગયા હતા. અજાણ્યા હુમલાખોરોએ રાષ્ટ્રપતિને જાનથી મારવાનો પ્રયાસ કર્યો હોવાનું બહાર આવ્યું હતું. હુમલાખોરોએ તેમના કાફલા પર આડેધડ ફાયરિંગ કર્યું હતું. આ હુમલામાં રાષ્ટ્રપતિનો આબાદ બચાવ થયો હતો.

સન ઓફ અબુ જંદાલે ઈઝરાયેલ વિરુદ્ધ યુદ્ધ કરવાની જાહેરાત કરવા રાષ્ટ્રપતિને 24 કલાકનું અલ્ટીમેટમ આપ્યું હતું. આતંકવાદી સંગઠને રાષ્ટ્રપતિને ધમકી પણ આપી હતી કે, જો તેઓ આમ નહીં કરે તો તેના ગંભીર પરિણામો ભોગવવા પડશે. અલ્ટીમેટની ડેડલાઈન સમાપ્ત થયા બાદ અબ્બાસના કાફલા પર હુમલો કરાયો, પેલેસ્ટાઈનના રાષ્ટ્રપતિનો આબાદ બચાવ થયો છે. હાલ સન ઓફ અબુ જંદાલે હુમલાની જવાબદારી સ્વીકારી છે.