ગારફીલ્ડ AI એ કોર્ટમાં ઈતિહાસ રચ્યો, માણસને હરાવી જીત્યો 8.79 લાખનો કેસ

દુનિયાના કાયદાના ક્ષેત્રમાં પહેલીવાર એવું બન્યું કે રોબોટે માણસને હરાવી દીધો. બ્રિટનની વંડ્સવર્થ કાઉન્ટી કોર્ટમાં AI પાવર્ડ લો ફર્મ “ગારફીલ્ડ AI” નામના ચેટબોટે લગભગ ₹8.79 લાખ એટલે કે 7,000 પાઉન્ડનો કેસ જીતીને વકીલોની આખી સિસ્ટમને હચમચાવી દીધી. માત્ર ₹50,000 ચાર્જમાં આખું કાનૂની કામ પૂર્ણ કરી, ડોક્યુમેન્ટ બનાવીને માનવ જુનિયર વકીલ દ્વારા દલીલ કરાવી. કોર્ટમાં 3 કલાક સુધી ચાલેલી સુનાવણી બાદ ચુકાદો AIના ક્લાયન્ટ ફ્રીલાન્સર તામીરેસ શાનદારના પક્ષમાં આવ્યો. આ ઘટનાએ સાબિત કરી દીધું કે ભવિષ્યમાં કોર્ટમાં AIની ભૂમિકા હવે માત્ર મદની નહીં, પણ મુખ્ય પાત્રની બનશે.

કેવી રીતે AI એ વકીલને હરાવ્યો? 

ગયા મહિને બ્રિટનની વંડ્સવર્થ કાઉન્ટી કોર્ટમાં એક નાનો ક્લેમ કેસ ચાલી રહ્યો હતો. ફ્રીલાન્સ એઆર તામીરેસ શાનદારની તરફથી ગારફીલ્ડ AI નામનું લીગલ ચેટબોટ કેસ લડ્યું. AI એ કેસ સાથે જોડાયેલા બધા કાનૂની ડોક્યુમેન્ટ, દલીલો અને ફાઈલિંગ પોતે તૈયાર કરી દીધા. કોર્ટના નિયમ મુજબ AI સીધી દલીલ ન કરી શકે, એટલે ગારફીલ્ડે એક માનવ જુનિયર વકીલને હાયર કર્યો જે ફક્ત AI દ્વારા લખાયેલી સ્ક્રિપ્ટ વાંચતો ગયો. 3 કલાક સુધી ચાલેલી સુનાવણી બાદ જજે AIના ક્લાયન્ટની તરફેણમાં ચુકાદો આપ્યો. સામે પક્ષના વકીલે પણ કોર્ટમાં સ્વીકાર કર્યો કે “ગારફીલ્ડ AI દ્વારા તૈયાર કરેલા ડોક્યુમેન્ટ ખૂબ જ સચોટ અને સારા હતા”.

આ પણ વાંચો: ગારફીલ્ડ AI એ કોર્ટમાં ઈતિહાસ રચ્યો, માણસને હરાવી જીત્યો 8.79 લાખનો કેસ

50,000માં થયું કામ જેના લાખો લાગત 

સૌથી મોટી વાત ચાર્જની છે. સામાન્ય રીતે બ્રિટનમાં આવા કેસ માટે વકીલની ફી લાખોમાં જાય. પણ ગારફીલ્ડ AI એ આખું કામ માત્ર ₹50,000 એટલે કે 500 પાઉન્ડમાં કરી આપ્યું. કંપનીનો દાવો છે કે આનાથી સામાન્ય લોકોને ઓછા ખર્ચે ન્યાય મળશે. હાલ ગારફીલ્ડ AI ફક્ત ₹10 લાખ સુધીના નાના દાવાઓ વાળા કેસ જ હેન્ડલ કરે છે, પણ તેની ફી પરંપરાગત લો ફર્મ કરતા ઘણી ઓછી છે.

AIની મર્યાદા શું રહી? 

ઈતિહાસ રચવા છતાં AIની કેટલીક મર્યાદા સામે આવી. ગારફીલ્ડે કેસની ફાઈલ, કાનૂની સંશોધન અને ડોક્યુમેન્ટ 100% પોતે બનાવ્યા, પણ કોર્ટમાં જજ સામે મૌખિક દલીલો માનવ વકીલે જ કરી. હાલના કાયદા મુજબ AIને સીધો “વકીલ” તરીકે કોર્ટમાં ઊભા રહેવાની મંજૂરી નથી. એટલે માનવ + AIનું કોમ્બિનેશન હજુ જરૂરી છે. માનવ વકીલોએ આ ઘટનાનો વિરોધ પણ કર્યો છે અને દલીલ કરી છે કે કોર્ટરૂમમાં માનવીય સમજ અને લાગણીનું સ્થાન AI ન લઈ શકે.

ભવિષ્ય માટે શું સંકેત? 

આ પહેલી ઘટના છે જ્યારે AI એ માનવ વકીલને હરાવીને કેસ જીત્યો હોય. અમેરિકા સહિત દુનિયાના ઘણા દેશો પહેલાથી જ કોર્ટમાં AI ટૂલ્સનો ઉપયોગ કરી રહ્યા છે – ડોક્યુમેન્ટ ચેકિંગ, કેસ લો શોધવા, ડ્રાફ્ટ બનાવવા માટે. પણ ગારફીલ્ડનો આ કેસ એક નવી શરૂઆત છે જ્યાં AI માત્ર મદનીશ નહીં, પણ કેસ જીતાડનાર બની ગયો. નિષ્ણાતો કહે છે કે આવનારા 5-10 વર્ષમાં નાના કેસોમાં AI વકીલો સામાન્ય બની જશે, જેનાથી કાનૂની લડાઈ સસ્તી અને ઝડપી બનશે.