પિતાએ 15 દિવસની માસૂમ બીમાર બાળકીને જીવતી દફનાવી !! કારણ જાણી તમે પણ ચોંકી જશો

પાકિસ્તાનમાં ગરીબીએ કેવો અજગર ભરડો લીધો છે તેનું ઉદાહરણ પૂરી પાડતી એક અત્યંત કરુણ, ક્રૂર અને આઘાતજનક ઘટના પ્રકાશમાં આવી છે. એક શખ્સે પોતાની માત્ર 15 દિવસની બીમાર માસુમ પુત્રીને તેની સારવાર માટે પૈસા ન હોવાને કારણે જીવતી દફનાવી દીધી હતી. પોલીસે આ બારામાં એ બાળકીના પિતાની ધરપકડ કરી છે.

પાકિસ્તાનના સિંધ પ્રાંતમાં બનેલા આ બનાવે સમાજને હચમચાવી દીધો છે. પ્રાપ્ત વિગત મુજબ એ પરિવારની બાળકી ભેદી સંજોગોમાં ગુમ થયાં અંગેના સમાચાર ચર્ચામાં આવ્યા બાદ પોલીસે કરેલી તપાસમાં આ ભાંડો ફૂટ્યો હતો. બાળકીના પિતા તૈયબે ગુનો કબૂલી લીધો હતો. તેણે કહ્યું કે બાળકી ખૂબ બીમાર હતી અને તેની પાસે સારવારના પૈસા નહોતા. બાળકીનું દર્દ જોઈ ન શકાતા તેણે આ કૃત્ય કર્યું હોવાનો બચાવ કર્યો હતો. બાદમાં પોલીસે બાળકીની લાશ કબરમાંથી બહાર કાઢી પોસ્ટ મોર્ટમ માટે મોકલી આપી હતી.