4500 થી વધુ સૈનિકો ગુમાવી દીધા બાદ અંતે 23 વર્ષ પછી અમેરિકી સેનાએ ઈરાક છોડી દીધું; હજારો કરોડની નુકસાની થઈ
2011 માં અમેરિકીસેના સંપૂર્ણ પછી હતી ગઈ હતી પણ આઈએના આક્રમણને પગલે ફરીવાર ઇરાકમાં ડેરાતંબુ નાખી દીધા હતા
ઈરાકમાં છેલ્લા બે દાયકાથી ચાલી રહેલી અમેરિકન સૈન્ય દખલ હવે સત્તાવાર રીતે પૂર્ણ થઈ છે. અમેરિકન સેનાએ ઈરાકમાં પોતાના આખરી બચેલા સૈન્ય મથકો પણ સંપૂર્ણપણે ખાલી કરી દીધા છે. આ સાથે જ વર્ષ 2003ના અમેરિકન આક્રમણથી શરૂ થયેલી સૈન્ય ઉપસ્થિતિનો આ લાંબો અધ્યાય હંમેશા માટે બંધ થઈ ગયો છે. છેલ્લા બે દસકામાં અમેરિકાના સૈન્ય અભિયાનમાં 4500 થી વધુ અમેરિકી સૈનિકો માર્યા ગયા છે અને અસંખ્ય ઘાયલ થયા છે.
ઈરાન અને તેના સમર્થકોએ આ પગલાંને એક મોટી જીત તરીકે જોયું છે, જ્યારે સુરક્ષા નિષ્ણાતોએ ચેતવણી આપી છે કે આ સુરક્ષાના ખાલીપાથી ઈરાનનો પ્રભાવ અને ‘ઇસ્લામિક સ્ટેટ’ના ફરીથી ઉભરવાનું જોખમ વધી શકે છે. જો આમ જ થાય છે તો ટેન્શન ફરી વધી શકે છે અને સંઘર્ષ ફરીવાર પેદા થઈ શકે છે.
આ ઐતિહાસિક નિર્ણય વર્ષ 2024માં તત્કાલીન અમેરિકન પ્રમુખ જો બાઇડનના કાર્યકાળ દરમિયાન લેવાયો હતો, જેને હવે ટ્રમ્પના પ્રશાસન દ્વારા અમલમાં મૂકવામાં આવી રહ્યો છે. ઉલ્લેખનીય છે કે આ બે દાયકા લાંબા સંઘર્ષમાં આશરે 4500 અમેરિકન સૈનિકોએ પોતાના પ્રાણ ગુમાવ્યા હતા અને સેંકડો ઘાયલ થયા હતા.
અમેરિકાએ સદ્દામ હુસેનને સત્તા પરથી હટાવવા માટે વર્ષ 2003માં ઈરાક પર આક્રમણ કર્યું હતું અને ત્યાં શિયા-નેતૃત્વવાળી સરકાર સ્થાપિત કરી હતી. વર્ષ 2011ના અંતમાં અમેરિકન સેના ત્યાંથી ખસી ગઈ હતી, પરંતુ ઇસ્લામિક સ્ટેટ (ISIS)ના વધતા જોખમને કારણે 2014થી 2017 વચ્ચે તેમને ફરીથી ઈરાક પરત ફરવું પડ્યું હતું. આ ઉપરાંત, અફઘાનિસ્તાનની સરખામણીમાં આ ઈરાક યુદ્ધ દરમિયાન અમેરિકાના લગભગ બમણા સૈનિકો માર્યા ગયા હતા.
ઈરાન માટે આ જીત કેવી રીતે છે? અમેરિકી સેના સામે શું વાંધો હતો
ઈરાકમાંથી અમેરિકન સૈનિકોના પરત જવા પર મિશ્ર પ્રતિક્રિયાઓ સામે આવી રહી છે. ઈરાન સમર્થિત ‘ઇસ્લામિક રેઝિસ્ટન્સ ઇન ઈરાક’ના કમાન્ડર અબુ મુજ્તબા અલ-યાસિરીએ તેને ઈરાકી પ્રતિરોધ સમૂહોની ઐતિહાસિક જીત અને અમેરિકન પ્રોજેક્ટની હાર ગણાવી છે. કારણ કે, ઈરાન લાંબા સમયથી પશ્ચિમ એશિયામાંથી અમેરિકન સેનાને બહાર જોવા માંગતો હતો. આમ તો ઈરાન સહિતના દેશોને અમેરિકી સેના સામે વાંધો હતો.
