અઠવાડિયુ ડાયેટ ફૂડ લ્યો અને પછી એક દિવસ જંકફૂડ ખાવ તો વજન ન ઘટે

વજન ઘટાડવા માટે દિવસ-રાત મહેનત કરવા છતાં પણ ઈચ્છિત પરિણામ નથી મળતું તો આ એક ભૂલ પર ધ્યાન આપવાની જરૂર છે.

આજકાલ વજન ઘટાડવું એ સૌથી મુશ્કેલ કામ છે. વજન ઘટાડવા માટે લોકો ઘણો સંઘર્ષ કરે છે. જીમમાં કલાકો સુધી પરસેવો પાડવો, કડક આહારનું પાલન કરવું વગેરે. આટલી મહેનત અને સમર્પણ છતાં કેટલાક લોકોનું વજન ઘટતું નથી. મહિનાઓ સુધી મહેનત કર્યા પછી પણ આપણને જોઈએ તેવું પરિણામ મળતું નથી. ખરેખર, આ માટે આપણાથી જાણ્યે-અજાણ્યે થઇ જતી એક ભૂલ જવાબદાર છે.

ઘણા લોકો માનતા હોય છે કે, આખુ અઠવાડિયુ તો ડાયેટ ખોરાક લીધો હવે એક દિવસ જંકફૂડ ખાઈએ તો વાંધો ન આવે.

નિષ્ણાતો કહે છે કે વજન ઘટાડવા માટે, તમે આખા અઠવાડિયા દરમિયાન હેલ્ધી ફૂડ ખાઓ અને સપ્તાહના અંતે જંક ફૂડ લો. આ બિલકુલ બે ડગલાં આગળ અને બે ડગલાં પાછળ જવા જેવું છે. ચીટ મીલ એટલે ડાયટમાં છેતરપિંડી, એક સમયે પોતાની પસંદગીનો ખોરાક ખાવો, પરંતુ લોકો ચીટ મીલને ચીટ ડે માને છે અને ઓઇલી, પ્રોસેસ્ડ ફૂડ, કાર્બોહાઇડ્રેટ અને ખાંડનું આડેધડ સેવન કરે છે. આ કારણે તમારી અઠવાડિયાની મહેનત વ્યર્થ જાય છે.

ચીટ મીલનું સેવન કેવી રીતે કરવું?
-તમારી ભૂખને નિયંત્રિત કરવા માટે થોડું થોડું ખાઓ.
-જો તમે તમારી જાતને ખાવાથી રોકી શકતા નથી, તો તમારી આસપાસના કોઈને તમને રોકવા માટે કહો.
-જે દિવસે તમે ચીટ ભોજન લો છો, તે દિવસે ચોક્કસપણે થોડું ચાલવા જાઓ.
-દિવસમાં માત્ર એક ચીટ ભોજન લો.
-જ્યારે તમે તમારું ચીટ ભોજન ખાઓ છો તેના કરતાં અલગ સમયે ભોજન કરીને કેલરીની માત્રામાં ઘટાડો કરો.