ડાયરેક્ટર રાજામૌલી પર બનેલી ડોક્યુમેન્ટરીની રિલીઝ ડેટ આવી સામે

ડોક્યુમેન્ટરીમાં દેખાડવામાં આવી છે રાજામૌલીની દિલચસ્પ યાત્રા

ભારતીય સિનેમાના બેસ્ટ ડાયરેક્ટર એસ.એસ. રાજામૌલીના જીવન પર આધારિત ડોક્યુમેન્ટરીની રિલીઝ ડેટની જાહેરાત થઈ ગઈ છે. ડોક્યુમેન્ટરી “મોર્ડન માસ્ટર્સ:એસ. એસ. રાજામૌલી”માં રાજામૌલીની દિલચસ્પ યાત્રા દેખાડવામાં આવી છે. અપ્લોઝ એન્ટરટેનમેંટ અને ફિલ્મ ક્મ્પૈનિયન સ્ટુડિયોથી નિર્મિત આ ડોક્યુમેન્ટરીનું પ્રીમિયર 2 ઓગસ્ટના રોજ નેટફલિકસ પર થશે.

ડોક્યુમેન્ટરી મોર્ડન માસ્ટર્સ:એસ. એસ. રાજામૌલીમાં પડદા પાછળના દ્રશ્યો છે જેના દ્વારા ભારતીય અને આંતરરાષ્ટ્રીય સિનેમા ઉપર રાજામૌલીના પ્રભાવને દર્શાવવામાં આવ્યો છે. ડોક્યુમેન્ટરીના નિર્માતાઓએ સોશિયલ મીડિયા પર એક પોસ્ટર શેર કર્યું છે જેમાં બાહુબલી નિર્દેશક રાજામૌલી હસતાં દેખાય છે.

પોસ્ટના કેપ્શનમાં કહ્યું છે કે, એક વ્યક્તિ, અનેક બ્લોકબસ્ટર, અનંત મહત્વકાંક્ષા. આ મહાન ફિલ્મ નિર્માતાએ પોતાના શિખર પર પહોંચવા માટે શું કરવું પડ્યું ? મોર્ડન માસ્ટર્સ:એસ. એસ. રાજામૌલી, 2 ઓગસ્ટના રોજ આવી રહી છે નેટફલિકસ પર. અનુપમા ચોપડા તરફથી પ્રસ્તુત આ ડોક્યુમેન્ટરીમાં જેમ્સ કેમરૂન, જો રૂસો અને કરણ જોહરની સાથો-સાથ પ્રભાસ, જુનિયર એનટીઆર, રાણા દગ્ગુબાતી, રામ ચરણ જેવા નજીકના મિત્રો અને સહકર્મીઓ રાજામૌલી વિશે દિલચસ્પ માહિતી શેર કરતાં નજરે પડશે.