સાઉથનો દબદબો: ‘ટિલ્લુ સ્કેવર’ જલ્દી જ રિલીઝ થશે

40 કરોડમાં બનેલી આ ફિલ્મે કર્યો છે 125 કરોડનો વકરો

સાઉથની વધુ એક સુપરહિટ ફિલ્મ જલ્દી જ ઓટીટી પ્લેટફોર્મ પર ધમાલ મચાવવા આવી રહી છે. ક્રાઇમ-કોમેડી ફિલ્મ ‘ટિલ્લુ સ્કેવર’માં સિદ્ધુ જોનાલગડા નજરે પડશે. આ ફિલ્મને સાઉથમાં ખુબ જ સારો રિસ્પોન્સ મળ્યો છે. અંદાજે 40 કરોડવાળી બજેટની આ ફિલ્મે અત્યાર સુધીમાં રૂ.125 કરોડનું કલેક્શન કર્યું છે.

આજકાલ સાઉથની ફિલ્મોનો દબદબો જોવા મળી રહ્યો છે. તાજેતરમાં જ રિલીઝ થયેલી ‘ટિલ્લુ સ્કેવરે’ બોક્સ ઑફિસ પર પોતાનો દબદબો જમાવ્યો છે. આ ફિલ્મમાં સિદ્ધુ જોનાલગડા ઉપરાંત અનુપમા પરમેશ્વરન, મુરલી શર્મા, નેહા શેટ્ટી અને અનિષ કુરુવીલા લીડ રોલમાં નજર આવશે. મહત્વનું છે કે આ ફિલ્મની વાર્તા ખુદ સિદ્ધુએ જ લખી છે.

સમાચાર મળી રહ્યા છે કે થિયેટરમાં ધમાલ મચાવ્યાં બાદ હવે આ ફિલ્મ ઓટીટી પ્લેટફોર્મ પર આવી રહી છે. સિદ્ધુ જોનાલગડાની ‘ટિલ્લુ સ્કેવર’ નેટફલિકસ પર રિલીઝ થઈ શકે છે. સૂત્રોનું માનવામાં આવે તો 26 એપ્રિલે ફિલ્મ રિલીઝ થઈ શકે છે. જો કે હજુ સુધી આ ફિલ્મની રિલીઝને લઈને સત્તાવાર કોઈ જાહેરાત થઈ નથી.

તમને જણાવી દઈએ કે, સિદ્ધુ જોનાલગડાની ડીજે ટિલ્લુ 2022માં રિલીઝ થઈ હતી. જેને દર્શકોએ ખૂબ વખાણી હતી અને તેના કારણે જ સિદ્ધુ જોનાલગડા દર્શકોમાં જાણીતો બન્યો હતો.