રણવીર સિંહના ફેન્સ માટે ખુશખબર !! આ દિવસે શરુ થશે DON ૩નું શુટિંગ
ડોન 1 અને ડોન 2માં તમે શાહરૂખ ખાનને ધમાકેદાર ભૂમિકા ભજવતા જોયા છે ત્યારે હવે ડોન 3માં તમને રણવીર સિંહ જોવા મળશે જે વાતની પૃષ્ટિ ઘણા સમયથી ગઈ છે પરંતુ આ ફિલ્મનું શુટિંગ ક્યારે શરુ થશે તે બાબતે અનેક અટકળો ચાલતી હતો જેનો અંત આવ્યો છે. ફરહાન અખ્તરે આખરે કહ્યું છે કે ‘ડોન 3’નું શૂટિંગ ક્યારે શરૂ થશે.
ફિલ્મ નિર્માતા ફરહાન અખ્તરે બહુપ્રતિક્ષિત ‘ડોન 3’ વિશેની અટકળો પર પૂર્ણવિરામ મૂક્યું છે. તાજેતરમાં એવી અફવાઓ હતી કે ફિલ્મ ઘણા વિલંબને કારણે રોકી દેવામાં આવી છે. હવે ફરહાને ખાતરી આપી કે તેનું શુટિંગ આવતા વર્ષે શરૂ થશે.
આ દિવસથી શૂટિંગ શરૂ થશે
પિંકવિલા સાથેની વાતચીતમાં ફરહાને તેની ફિલ્મ વિશે અપડેટ આપતા કહ્યું, “અમે આવતા વર્ષે ડોન 3નું શૂટિંગ શરૂ કરીશું. અમે તેની આતુરતાથી રાહ જોઈ રહ્યા છીએ.” તમને જણાવી દઈએ કે આ જાહેરાત રણવીર સિંહના ફેન્સ માટે રાહતની વાત છે, જેઓ આ ફિલ્મની આતુરતાથી રાહ જોઈ રહ્યા છે. તમને જણાવી દઈએ કે શાહરૂખ ખાને ‘ડોન’ અને ‘ડોન 2’માં મુખ્ય ભૂમિકા ભજવી હતી. ત્રીજા ભાગમાં રણવીરની કાસ્ટિંગે ચાહકોમાં એક અલગ જ ઉત્તેજના પેદા કરી છે.
તમને જણાવી દઈએ કે એવા અહેવાલો આવ્યા હતા કે રણવીરે ‘રક્ષા’ અને ‘અન્નિયા’ની રીમેક જેવી અન્ય ફિલ્મ્સ છોડી દીધી હતી, ત્યારબાદ તેના માટે ‘ડોન 3’ના દરવાજા ખુલી ગયા હતા અને તેને શૂટિંગ કરવાનો સમય મળ્યો હતો. હવે આ સમાચાર સાંભળીને રણવીરના ફેન્સ વધુ ઉત્સાહિત થઈ ગયા છે.
રણવીર સિંહની આગામી ફિલ્મો
રણવીર સિંહ છેલ્લે આલિયા ભટ્ટ સાથે ફિલ્મ ‘રોકી ઔર રાની કી પ્રેમ કહાની’માં જોવા મળ્યો હતો. આ ફિલ્મનું નિર્દેશન કરણ જોહરે કર્યું હતું. આ સિવાય રણવીર ટૂંક સમયમાં રોહિત શેટ્ટીની ફિલ્મ સિંઘમ 3માં જોવા મળશે. આ ફિલ્મમાં તેની સાથે અજય દેવગન, અક્ષય કુમાર, દીપિકા પાદુકોણ અને કરીના કપૂર જોવા મળશે.
