દિલ્હીના દંગલમાં કોનું થયું મંગલ ? જુઓ
દિલ્હીના લોકસભા ચુંટણીના દંગલમાં ભાજપનું મંગલ થયું છે. અહીં ભાજપે સ્ટીમ રોલર ફેરવી દીધું છે અને દિલ્હીની જનતાએ ભાજપ પર મતોનો મુશળધાર વરસાદ કરી મૂક્યો છે. દિલ્હી લોકસભાની તમામ 7 બેઠકો પર ભાજપનો શાનદાર અને ઐતિહાસિક વિજય રિપીટ થયો છે.
2019 ની લોકસભાની ચુંટણીમાં પણ ભાજપે તમામ 7 બેઠકો કબજે કરી હતી. વડાપ્રધાને પણ એક સભામાં એમ કહ્યું હતું કે અહીં લોકોએ તમામ બેઠકો ભાજપને આપવાનું મન બનાવી લીધું છે અને ભ્રષ્ટાચારીઓને જાકારો આપવાનો નિર્ણય લઈ લીધો છે.
અહીં આ વખતે આમ આદમી પાર્ટી અને કોંગ્રેસે જોડાણ કરીને ચુંટણી લડી હતી પણ એમનો ભયંકર અને નામોશીભર્યો રકાસ થયો છે. દિલ્હીની જનતાએ ગઠબંધનને જાકારો આપી દીધો છે. ભાજપના તમામ ટોચના ઉમેદવારોનો વિજય થયો છે.
બંસૂરી સ્વરાજ, મનોજ તિવારી, પ્રવીણ ખંડેલવાલ સહિતના ભાજપના ઉમેદવારો પર અભિનંદની વર્ષા થઈ હતી. કોંગ્રેસના કનૈયાકુમાર પરાજિત થયા છે. આપના સોમનાથ ભરતી પણ હારી ગયા છે.
