કોણ બન્યા દુનિયાના સૌથી ધનિક બિઝનેસમેન ? વાંચો
દુનિયાના સૌથી ધનિક લોકોની યાદીમાં ફરી ઉથલપાથલ થઈ ગઈ છે. એલન મસ્ક પાસેથી ફરી દુનિયાના નંબર 1 ધનિકનું પદ છીનવાઇ ગયું છે. ફરીવાર જેફ બેજોસ દુનિયાના સૌથી અમીર બિઝનેસમેન બની ગયા છે. બ્લૂમબર્ગના તાજા અહેવાલમાં આ માહિતી આપવામાં આવી હતી.
બ્લૂમબર્ગ બિલિયોનર ઇન્ડેક્સના ટોપ -3 પોઝિશન માટે પાછલા કેટલાક સમયથી કાંટે કી ટક્કર ચાલી રહી છે. ક્યારેક મસ્ક આગળ થઈ જાય છે તો ક્યારેક બેજોસ આગળ થઈ જાય છે. મસ્ક પાછળ થાય છે તો બર્નાર્ડ આગળ થઈ જાય છે. આ મુજબનો ખેલ ઘણા સમયથી ચાલી રહ્યો છે.
ગુરુવારે જેફ બેજોસ પોતાની નેટવર્થમાં 3.13 અબજ ડોલર વધારીને 209 અબજ ડોલર સાથે દુનિયાના સૌથી ધનિક બિઝનેસમેન બની ગયા હતા. મસ્કની સંપત્તિમાં 2.35 અબજ ડોલરનો ઘટાડો થયો છે માટે તે પાછળ રહી ગયા છે.
ખૂબીની વાત એ છે કે કેટલાક માસ પહેલા નંબર 1 ધરાવતા બર્નાર્ડ આરનોલટ 200 અબજ ડોલરની ક્લબમાંથી જ બહાર થઈ ગયા છે. હવે એમની સંપત્તિ 199 અબજ ડોલર રહી ગઈ છે. હવે તેઓ આ યાદીમાં ત્રીજા નંબરે આવી ગયા છે. આમ છેલ્લા ઘણા સમયથી આ ખેલ ચાલી રહ્યો છે અને મસ્ક તથા બેજોસ વિષે કાંટે કી ટક્કર ચાલી રહી છે.