ક્યાં થયા જવાનો શહીદ ? કોણે કર્યો હુમલો ? વાંચો

છત્તીસગઢના સુકમા જિલ્લામાં રવિવારે નક્સલવાદીઓ દ્વારા બ્લાસ્ટ કરવામાં આવ્યો હતો. જવાનોના પેટ્રોલિંગ વચ્ચે સિલ્ગર વિસ્તારમાં નક્સલવાદીઓ દ્વારા આઇઇડી બ્લાસ્ટ કરવામાં આવ્યો હતો. નક્સલીઓએ જવાનોની ટ્રકને નિશાન બનાવીને વિસ્ફોટને અંજામ આપ્યો હતો. આ ઘટનામાં સીઆરપીએફના બે જવાન શહીદ થયા હતા. જ્યારે ઘણા જવાનો ઘાયલ થયા હતા. સુકમા એસપી કિરણ ચવ્હાણે ઘટનાની પુષ્ટિ કરી હતી.

એસપી કિરણ ચવ્હાણે જણાવ્યું હતું કે જગરગુંડા વિસ્તાર હેઠળના કેમ્પ સિલ્ગરથી 201 કોબ્રા કોર્પ્સની એડવાન્સ પાર્ટી આરઓપી ડ્યુટી દરમિયાન કેમ્પ ટેકલગુડેમ જઈ રહી હતી. આ કાફલામાં ટ્રક અને મોટરસાઈકલનો સમાવેશ થતો હતો. સુરક્ષા દળોને નુકસાન પહોંચાડવાના ઈરાદાથી કેમ્પ સિલ્ગરથી ટેકલગુડેમ જવાના માર્ગ પર નક્સલવાદીઓ દ્વારા આઈઈડી પ્લાન્ટ કરવામાં આવ્યો હતો.

સુરક્ષા દળોની હિલચાલ દરમિયાન બપોરે 3 વાગ્યે, 201 કોબ્રા કોર્પ્સના એક ટ્રક પર આઇઇડી દ્વારા હુમલો કર્યો હતો જેમાં એક ટ્રક ડ્રાઈવર અને કો-ડ્રાઈવર ઘટનાસ્થળે જ શહીદ થયા હતા. અન્ય તમામ સૈનિકો સુરક્ષિત છે. શહીદ થયેલા જવાનોના નામ વિષ્ણુ આર અને શૈલેન્દ્ર હોવાનું કહેવાય છે. ઘટના સ્થળેથી શહીદ જવાનોના પાર્થિવ દેહને બહાર કાઢવામાં આવ્યા હતા.