મોહન ભાગવતના વિચાર સામે આરએસએસના મુખપત્રમાં શું આવ્યો પ્રતિભાવ ? વાંચો
મસ્જિદોના સર્વેની વધતી માંગ વચ્ચે, આરએસએસના વડા મોહન ભાગવતે તાજેતરમાં કહ્યું હતું કે આવા મુદ્દા ઉઠાવવા અસ્વીકાર્ય છે. જો કે, આરએસએસ સાથે જોડાયેલા મેગેઝિન ધ ઓર્ગેનાઈઝરનો મત અલગ છે. તેમણે દલીલ કરી છે કે વિવાદિત સ્થળો અને બાંધકામોનો વાસ્તવિક ઇતિહાસ જાણવો મહત્વપૂર્ણ છે. મેગેઝિને સંભલ મસ્જિદ વિવાદ પર એક કવર સ્ટોરી પ્રકાશિત કરી હતી, જેમાં દાવો કરવામાં આવ્યો હતો કે સંભલમાં શાહી જામા મસ્જિદની જગ્યા પર મંદિર કેવી રીતે અસ્તિત્વમાં છે. તેમાં સંભલનો સાંપ્રદાયિક ઈતિહાસ પણ વર્ણવવામાં આવ્યો છે.
‘અલગતાવાદને પ્રોત્સાહન મળશે
મેગેઝિનના સંપાદક પ્રફુલ્લ કેતકરે લખેલા તંત્રીલેખમાં જણાવ્યું હતું કે, ધાર્મિક કડવાશ અને વિસંગતતાને દૂર કરવા માટે એક સમાન અભિગમની જરૂર છે. બાબાસાહેબ આંબેડકરે જાતિ-આધારિત ભેદભાવના મૂળ સુધી ગયા અને તેને સમાપ્ત કરવા માટે બંધારણીય ઉપાયો આપ્યા. એવી દલીલ કરવામાં આવી છે કે જો મુસ્લિમો સત્યને સ્વીકારે તો જ ઉપાય મળી શકે અને તેનો ઇનકાર કરવાથી અલગતાવાદ ઊભો થઈ શકે છે.
તંત્રીલેખમાં આગળ એવો ઉલ્લેખ પણ છે કે કેટલાક બનાવટી બુધ્ધિજીવીઓ હલકી ધર્મનિરપેક્ષતા લાગુ કરવાનું ચાલુ રાખશે તેમ માનીને કોઈને સત્ય અને ન્યાયના અધિકારથી વંચિત રાખી શકાય જ નહીં. આમ થાય તો કટ્ટરતા, અલગાવવાદ અને શત્રુતાને બળ મળશે.
19 ડિસેમ્બરે પુણેમાં એક કાર્યક્રમને સંબોધતા ભાગવતે કહ્યું હતું કે અયોધ્યામાં રામ મંદિર હિન્દુઓ માટે આસ્થાનો વિષય છે, પરંતુ ઉમેર્યું હતું કે દરરોજ આવા નવા મુદ્દા ઉઠાવવા અસ્વીકાર્ય છે.
રામભદ્રાચાર્યે શું કહ્યું?
સ્વામી રામભદ્રાચાર્યએ પણ મોહન ભાગવતના નિવેદન પર અસહમતિ વ્યક્ત કરી હતી. તેમણે કહ્યું કે મોહન ભાગવત હિન્દુઓ વિશે કોઈ અવાજ ઉઠાવતા નથી. તેઓ ખાલી રાજનીતિ કરે છે. તેઓ Z સુરક્ષા ઈચ્છે છે અને સુખી જીવન જીવે છે. જો સંઘ ન હોત તો શું હિન્દુ ધર્મ ન હતો? તેમણે કહ્યું કે રામ મંદિર નિર્માણ આંદોલનમાં સંઘની કોઈ ભૂમિકા નથી. અમે જુબાની આપી. અમે સંઘર્ષ કર્યો. તેઓએ શું કર્યું?
