WhatsAppમાં ફરી આવ્યું ઇન્સ્ટાગ્રામ જેવુ અમેઝિંગ ફીચર : ફોટા અને વિડીયોમાં મળશે ફિલ્ટર ઇફેક્ટ, જાણો ખાસિયત  

આજે કરોડો લોકો whatsappનો ઉપયોગ કરે છે અને whatsapp દ્વારા પણ અવનવા ફીચર લાવીને યુઝર્સને આકર્ષિત કરવામાં આવે છે તેમજ સેફટીને અનુસંધાને પણ અનેક ફીચર લાવવામાં આવ્યા છે. હજુ થોડા સામે પહેલા જ whatsapp દ્વારા ઇન્સ્ટાગ્રામ જેવુ જ એક ફીચર એડ કરવામાં આવ્યું હતું જેમાં તમે સ્ટોરીની જેમ સ્ટેટ્સને પણ લાઇક કરી શકો છો ત્યારે વધુ એક ઇન્સ્ટાગ્રામ જેવુ જ ફીચર whatsapp લાવી રહ્યું છે જે ટૂંક સમયમાં ઉપલબ્ધ થશે.

જો તમે વોટ્સએપનો ઉપયોગ કરો છો, તો તમને જણાવી દઈએ કે હવે તમને આ ઈન્સ્ટન્ટ મેસેજિંગ પ્લેટફોર્મમાં મેટાના ઈન્સ્ટાગ્રામનું ફીચર મળવા જઈ રહ્યું છે. હવે તમે તમારી ઈન્સ્ટન્ટ મેસેજિંગ એપમાં ઈન્સ્ટાગ્રામ જેવી કેમેરા ઈફેક્ટનો ઉપયોગ કરી શકશો. મતલબ કે હવે તમને ચેટિંગની સાથે એક નવો અનુભવ પણ મળવાનો છે.

WAbetainfo એ આપી મોટી માહિતી

વોટ્સએપના આ આગામી ફીચર વિશે માહિતી કંપનીના આવનારા અપડેટ્સ અને ફીચર્સ પર નજર રાખતી વેબસાઈટ WAbetainfo દ્વારા આપવામાં આવી છે. WAbetainfo ના રિપોર્ટ અનુસાર, WhatsApp Google Play Store પર ઉપલબ્ધ Android 2.24.20.20 અપડેટ માટે WhatsApp બીટા પર કેમેરા ઇફેક્ટ ફીચરને રોલ આઉટ કરી રહ્યું છે.

કેમેરામાં નવી સુવિધા સંકલિત કરવામાં આવશે

આ સિવાય કંપની WhatsApp કોલ ઈફેક્ટ્સ અને ફિલ્ટર્સ માટે AR ફીચર પણ રજૂ કરી રહી છે. વોટ્સએપનું આ નવું ટૂલ કરોડો યુઝર્સને નવા વિઝ્યુઅલ ટૂલ્સ વડે તેમની ચેટિંગને પર્સનલાઇઝ કરવાની મોટી સુવિધા આપે છે. હવે કંપની આ ઈફેક્ટ્સને કેમેરા સાથે ઈન્ટીગ્રેટ કરીને તેના યુઝર્સને પૂરી પાડી રહી છે.

Wabateinfo રિપોર્ટમાં સ્ક્રીનશોટ પણ શેર કરવામાં આવ્યો છે. સ્ક્રીનશોટમાં એક નવું ફિલ્ટર બટન બતાવવામાં આવ્યું છે. આ નવું બટન વપરાશકર્તાઓને ફક્ત એક જ ટેપથી નવા ફિલ્ટર્સ લાગુ કરવાની મંજૂરી આપે છે. આ નવા ફીચર્સ દ્વારા યુઝર્સ હવે પહેલા કરતા વધુ સારી રીતે ફોટો અને વીડિયો બનાવી શકશે.

નવા ફીચરની વિશેષતાઓ

વોટ્સએપના ઈફેક્ટ ફીચર સાથે, યુઝર્સને સ્કિન સ્મૂથિંગ વિકલ્પો મળશે જે ડાઘ અથવા સ્કિન ટોન તેમજ તમારા ચહેરાના રંગને સુધારવામાં મદદ કરે છે. આ ખાસ કરીને સેલ્ફી માટે ઉપયોગી છે, જ્યાં વપરાશકર્તાઓ સુંદર અને આકર્ષક દેખાવ ઇચ્છે છે.