જામીન આપવાની શરત અંગે સુપ્રીમ કોર્ટે શું કહ્યું ? વાંચો
સુપ્રીમ કોર્ટે એક કેસની સુનાવણી દરમિયાન એમ ઠરાવ્યું હતું કે આરોપી ગૂગલ મેપ દ્વારા પોતાનું લોકેશન બતાવતો રહે તેવી શરત જામીન સાથે રાખી શકાય જ નહીં. તે અયોગ્ય અને ગેરકાયદેસર છે. આ પ્રકારની શરતો રાખવી સંપૂર્ણ રીતે ગેરબંધારણીય અને નિજતાના અધિકારોનું ઉલ્લંઘન છે.
નાઇજિરિયન નાગરિકને આ શરત સાથે જામીન મળ્યા હતા અને તેણે દિલ્હી હાઈકોર્ટના આ ફેસલાને સુપ્રીમ કોર્ટમાં પડકાર્યો હતો. તેને ડ્રગ્સના મામલામાં પકડવામાં આવ્યો હતો. જો કે હાઇકોર્ટે એવી શરત જામીન માટે રાખી હતી કે આરોપી ગૂગલ મેપ દ્વારા પોતાનું લોકેશન બતાવતો રહે. મેપની પિન શેર કરવાની રહેશે.
આ શરતને આરોપીએ સુપ્રીમ કોર્ટમાં પડકારી હતી અને સોમવારે આ અરજી પર સુનાવણી કરતાં સુપ્રીમ કોર્ટની બેન્ચે હાઇકોર્ટની આવી શરતને અયોગ્ય ઘોષિત કરી હતી. આ પ્રકારના ફેસલાની અસર અન્ય કેસ પર પણ પડી શકે છે તેમ માનવામાં આવે છે.
2023 માં જુલાઇ માસમાં પણ એક કેસ સંબંધે સુપ્રીમ કોર્ટે આ પ્રકારની શરતને લઈને ચિંતા દર્શાવી હતી. કોર્ટે ત્યારે પણ એમ કહ્યું હતું કે આવી શરત નિજતાના અધિકારોનું ઉલ્લંઘન કરે છે. તે ગેરબંધારણીય પણ છે.