કાશ્મીર વિષે ચીન પાકે શું કહ્યું ? શરીફે શું કરી બદમાશી ? વાંચો
પાકિસ્તાન સાથે મળીને ચીન પણ હવે પોતાના પરાક્રમો કરી રહ્યું છે. બંને દેશોએ શનિવારે દક્ષિણ એશિયામાં કાશ્મીર સહિત તમામ પેન્ડિંગ મુદ્દાઓના સમાધાન માટે કોઈ પણ પ્રકારની એકતરફી કાર્યવાહીનો વિરોધ કર્યો હતો. પાકિસ્તાનના વડાપ્રધાન શરીફે ફરી બદમાશી કરી હતી અને ચીન સામે કાશ્મીર અંગે રોદણાં રોયાં હતા.
ચીનની યાત્રાએ ગયેલા શરીફે કાશ્મીરની સ્થિતિ વિષે ચીનના કાન ભર્યા હતા. આમ બંને દેશોએ કાશ્મીર વિષે પાક ચીની ભાઈ ભાઈનું ભારત વિરોધી વલણ બતાવ્યું હતું. બંને દેશોએ પોતાની સેનાઓ વચ્ચે વધુ સારું સમન્વય રચવા અંગે પણ ચર્ચા કરી હતી અને ભારત વિરોધી ચર્ચા કરી હતી.
શરીફની 4 દિવસીય યાત્રા પૂરી થઈ હતી. માર્ચ માસમાં ફરીવાર વડાપ્રધાન બન્યા બાદ શરીફની આ પ્રથમ ચીન યાત્રા હતી. આ યાત્રા દરમિયાન શરીફનું ધ્યાન ચીની રોકાણ અને સહાયતા વધારવા પર રહ્યું હતું. પાકિસ્તાન અત્યારે ગંભીર આર્થિક કટોકટીમાં સપડાયેલું છે અને તેને ખાવાના ફાંફાં થઈ રહ્યા છે.
યાત્રાના અંતે એક સંયુક્ત નિવેદન અપાયું હતું જેમાં એમ જણાવાયું હતું કે બંને દેશ દક્ષિણ એશિયામાં શાંતિ અને સ્થિરતા બનાવી રાખવા માટે પેન્ડિંગ પ્રશ્નોના વાતચીત દ્વારા સમાધાનના પક્ષમાં છે અને કોઈ પણ એકતરફી કાર્યવાહીનો વિરોધ કરે છે.
ચીન તરફથી એમ કહેવાયું હતું કે પાકિસ્તાને કાશ્મીર વિશેનીં સ્થિતિ જણાવી છે. અમે તેનો શાંતિપૂર્ણ રીતે સમાધાન માટે આગ્રહ કરીએ છીએ.