કરચોરી કરનારા ચેતજો : બેંક એકાઉન્ટમાંથી રૂ.1 કરોડનો ઉપાડ,50 લાખની ડિપોઝીટ પર ઇન્કમટેક્સની બાજ નજર
ઇન્કમટેક્સએ મોટા ખર્ચાઓ કર્યા બાદ રિટર્નમાં ન દર્શાવી કરચોરીના નવા નુસખા અજમાવનાર ભેજાબાજો પર હવે નવી પેટર્ન અપનાવશે.જેમાં એડવાન્સ ડેટા એનાલિસિસ સિસ્ટમ અપનાવશે.જેમાં ખાસ કરીને ઊંચા મૂલ્યની પ્રોપર્ટીના સોદા કરવા, મોટી રકમની ડિપોઝિટ તેમજ વિદેશ પ્રવાસ સહિત રડાર પર રહેશે.
બેંકના કરંટ એકાઉન્ટ માંથી વર્ષ દરમિયાન રૂપિયા એક કરોડની ઉપાડ કરનારા લોકોનાં રિટર્નની તપાસ કરશે. ઇન્કમટેક્સ વિભાગે હવે નવા રિટર્ન ફાઇલ કરનારામાં મોટા ટ્રાન્જેક્શન કરીને દર્શાવ્યા ન હોય તેના પર ખાસ ટેક્નિકથી નજર રાખવામાં આવી છે. ટીડીએસ કપાત કરીને નાણા જમા ન કરાવનારાઓ રડારમાં આવ્યા છે.કરચોરી રોકવા માટે ઇન્કમટેક્સએ ખાસ એક્શન પ્લાન અમલીમાં મુક્યો છે.
આ પણ વાંચો : રાજકોટની બે બહેનપણી ગાયબ: 15 વર્ષની સગીરા ઘરેથી 20 હજારની રોકડ લઈ સહેલી સાથે ગુમ, વાંચો શું છે સમગ્ર ઘટના
મોટી રકમનાં ટ્રાન્સઝેક્શન જે બેન્ક ખાતાઓમાં થયા હોય તે ખાતાની વિગતો 31 મે સુધીમાં બેંકોએ મોકલી આપી છે.જેમાં ખાસ કરીને 50 લાખથી વધુ રકમની ડિપોઝીટ જમા કરાવી હોય કે 30 લાખથી વધુની રકમની મિલકતની ખરીદી હોય તેનો ડેટા એકત્ર કરાયો છે. આવકવેરા વિભાગે બેંક, પોસ્ટ ઓફિસ,સહકારી સંસ્થાઓ,ફિનટેક કંપનીઓ, મ્યુચ્યચલ ફંડ કંપનીઓ પાસેથી જે તે કરદાતાઓની વિગતો મગાવીને જે ખાતામાં શંકાસ્પદ હિસાબો નજરે રાખીને તપાસ શરૂ કરી છે.
