સુનિતા વિલિયમ્સ અવકાશમાં ખુશી સાથે ડાન્સ કરવા લાગી શું થયું ? વાંચો

નાસા અને સ્પેસએક્સ દ્વારા શુક્રવારે સંયુક્તપણે લોન્ચ કૃ-૧૦ મિશન ઈન્ટરનેશનલ સ્પેસ સ્ટેશનમાં પ્રવેશ્યું હતું. સ્પેસ સ્ટેશનમાં અટવાયેલા સુનીતા વિલિયમ્સ, વિલમોર જેવા સાહસિક અંતરિક્ષયાત્રીઓને પરત લાવવાના ઉદ્દેશ સાથે આ મિશન લોન્ચ કરવામાં આવ્યું હતું. જેનુ રવિવારે સવારે 10.00 વાગ્યે ડોકિંગ થયુ છે. હતું. નવા મહેમાનોને જોઈને અવકાશની પરી બની ગયેલી સુનિતા અને સાથી ખુશીથી ઝૂમી ઉઠયા હતા.

સ્પેસએક્સ મિશન લોન્ચ કરતાં જ વિલમોર અને વિલિયમ્સની પૃથ્વી પર પરત ફરવાની સંભાવનાઓ વધી ગઈ છે. ફાલ્કન 9 રોકેટમાં ક્રૂ ડ્રેગન કેપ્સૂલ હતી. ન્યૂયોર્ક સમય અનુસાર, શુક્રવારે સાંજે સાત વાગ્યે ફ્લોરિડાના નાસાના કેનેડી સ્પેસ સેન્ટરથી આ મિશન લોન્ચ થયુ હતું. લોન્ચિંગના 10 મિનિટ બાદ કેપ્સૂલ રોકેટ છૂટુ પાડવામાં આવ્યું હતું. જે સફળતાપૂર્વક આઈએસએસમાં પહોંચ્યું હતું.

બે સ્પેસક્રાફ્ટને ઓરબિટમાં જોડવાની પ્રક્રિયાને ડોકિંગ કહે છે. ક્રૂડ ડ્રેગન સ્પેસક્રાફ્ટનું આઈએસએસ સાથે ડોકિંગ થઈ ગયું હતું. બંને સ્પેસક્રાફ્ટમાં ઉપસ્થિત અંતરિક્ષયાત્રીઓએ એકબીજાનું અભિવાદન કર્યું હતું. હવે તેઓ અવકાશમાં હવા અંગે તપાસ કરશે,

આપના ગૌરવ સમાન યાત્રિકો તેઓ 19 માર્ચના રોજ પૃથ્વી પર પરત ફરે તેવી શક્યતાઓ નાસાએ વ્યક્ત કરી છે. તેમના સ્થાને ISSમાં નવા ચાર અંતરિક્ષયાત્રી કામગીરી સંભાળશે. આ ચાર અંતરિક્ષયાત્રીમાં એની મેકક્લેન, નિકોલ આયર્સ, તાકુયા ઓનિશી, અને કિરીલ પેસકોવ સામેલ છે.