રાજકોટ : મેટોડા GIDCમાં આવેલી ગોપાલ નમકીનની ફેક્ટરીમાં લાગી ભીષણ આગ, ફાયરની 6 ટીમ ઘટનાસ્થળે
રાજકોટમાં મેટોડા જીઆઈડીસીમાં આવેલી ગોપાલ નમકીન ફેક્ટરીમાં ભીષણ આગ લાગવાની ઘટના સામે આવી છે. આગે વિકરાળ સ્વરૂપ ધારણ કરતાં દોડધામ મચી જવા પામી હતી. ત્યારે ઘટનાની જાણ થતાં ફાયર ફાયટરની ટીમો આગ બુઝાવવા માટે દોડી ગઈ અને આગ પર કાબૂ મેળવવાના પ્રયાસ હાથ ધર્યા છે.
મળતી માહિતી અનુસાર રાજકોટના કાલાવડ રોડ પર આવેલ મેટોડા જીઆઇડીસીમાં ગોપાલ નમકીન ફેકટરીમાં બપોરે આગ ભભુકી ઉઠી હતી. આ આગે થોડા સમયમાં વિકરાળ સ્વરૂપ ધારણ કરી લેતા ફાયર બ્રિગેડની 6 ટીમો ઘટના સ્થળે દોડી ગઇ હતી. આગ કયા કારણોસર લાગી તે હજુ બહાર આવ્યું નથી. પરંતુ વિકરાળ આગ લાગવાના પગલે અફરાતફરી મચી ગઈ હતી.
કંપનીના મેનેજરના જણાવ્યા મુજબ દરરોજ તેમની કંપનીમાં 400-500 કામદારો ઉપસ્થિત હોય જ છે. જો કે, હાલ આગની ઘટનામાં અંદર કોઈ ફસાયું છે કે નહીં તે અંગે માહિતી મળી નથી. આ આગના કારણે 1 કિલોમીટર દૂરથી ધુમાડાનાં ગોટેગોટા જોવા મળી રહ્યા છે. અને ફેક્ટરીની આસપાસના વિસ્તારમાં લોકોના ટોળા મોટી સંખ્યામાં એકઠા થઇ ગયા છે. આ અંગેની જાણ થતાં ફાયર વિભાગની ટીમો ઘટનાસ્થળે દોડી ગઈ છે. અને ફાયર ફાઈટર દ્વારા આગ પર કાબુ મેળવવા કવાયત શરૂ કરવામાં આવી છે.
આ બનાવની જાણ થતા ફાયર બ્રિગેડની 6 ટીમ ઘટનાસ્થળે પહોંચી હતી અને આગ ઉપર કાબુ લેવા માટે પાણીનો મારો ચલાવ્યો છે. કયાં કારણોસર આગ લાગી છે તે અંગે તપાસ હાથ ધરવામાં આવી છે. આ બનાવની જાણ થતા પોલીસ કાફલો પણ ઘટના સ્થળે દોડી ગયો છે. આ આગ સતત વિકરાળ સ્વરૂપ લેતી જતી હોવાથી વધુ ફાયર ફાઇટરની ટીમને બોલાવવાની પણ જહેમત ચાલી રહી છે
