ઓપરેશન સિંદુર 2.0ની શરૂઆત !?  ભારતે પાકિસ્તાન પર કર્યો ડ્રોન એટેક, હવાઈ હુમલામાં રાવલપિંડીનું ક્રિકેટ સ્ટેડિયમ તબાહ

ઓપરેશન સિંદૂર હેઠળ ભારતના હુમલાને કારણે સમગ્ર પાકિસ્તાનમાં ડરનો માહોલ છવાયો છે. ભારતના એક પછી એક ડ્રોન હુમલાઓએ સમગ્ર પાકિસ્તાનને ગભરાટમાં મૂકી દીધું છે. કરાચી, લાહોર, ઇસ્લામાબાદ અને રાવલપિંડી જેવા મુખ્ય શહેરોમાં વિસ્ફોટોના અવાજો સંભળાયા. હવે મોટા સમાચાર આવી રહ્યા છે કે આ હુમલાઓમાં પાકિસ્તાનનું રાવલપિંડી ક્રિકેટ સ્ટેડિયમ પણ સંપૂર્ણપણે નાશ પામ્યું છે, જ્યાં આજે સાંજે પાકિસ્તાન સુપર લીગની મેચ યોજાવાની હતી.

પાકિસ્તાને કરેલા ડ્રોન હુમલાનો ભારતે વળતો જવાબ આપી દીધો છે. પાકિસ્તાન દ્વારા ભુજ સહિત 15 સ્થળો પર ડ્રોન હુમલા કરવામાં આવ્યા હતા જેના જવાબમા ભારતે લાહોર સહિત કુલ 10 પાકિસ્તાની શહેરોમાં ડ્રોન હુમલા કર્યા છે. આમાં રાવલપિંડીનો પણ સમાવેશ થાય છે, જ્યાં પાકિસ્તાની સેનાનું મુખ્ય મથક આવેલું છે. આ હુમલામાં રાવલપિંડી સ્ટેડિયમ નાશ પામ્યું છે. એક અહેવાલ મુજબ, આ હુમલામાં બે લોકો ઘાયલ પણ થયા છે. જોકે પાકિસ્તાન સરકારે આ વાતનો ઇનકાર કર્યો છે અને કહ્યું છે કે ત્યાં વીજળી પડી છે, પરંતુ ત્યાંના નાગરિકોએ પાકિસ્તાન સરકારનો પર્દાફાશ કર્યો છે.

આ સ્ટેડિયમમાં આજે (8 મે) રાત્રે 8 વાગ્યે પાકિસ્તાન સુપર લીગ (PSL) મેચ રમવાની હતી. આ મેચમાં પેશાવર અને કરાચીની ટીમો આમને-સામને છે પરંતુ આ હુમલાથી થયેલી તબાહી બાદ હવે આ મેચ પર સંકટના વાદળો છવાઈ ગયા છે. પાકિસ્તાન સુપર લીગ (PSL) ની બાકીની મેચો કરાચી ખસેડવામાં આવી હોવાના સમાચાર છે.

ભારતે પાકિસ્તાનના 10 સ્થળો પર કર્યો હુમલો

તમને જણાવી દઈએ કે ગઈકાલે રાત્રે રાવલપિંડી અને લાહોર ઉપરાંત, ભારતીય સેનાએ ગુજરાંવાલા, ચકવાલ, બહાવલપુર, મિયાંવાલી, કરાચી, ચોર, મિયાંઓ અને અટોકમાં પણ ડ્રોન હુમલા કર્યા હતા. પાકિસ્તાન સરકારે ભારતીય ડ્રોન હુમલાનો સ્વીકાર કર્યો છે પરંતુ રાવલપિંડી સ્ટેડિયમનો નાશ થયો હોવાનો ઇનકાર કર્યો છે. આ પછી, ત્યાંના લોકોએ હુમલા પછી નાશ પામેલા સ્ટેડિયમની વિડીયો ક્લિપ સોશિયલ મીડિયા પર શેર કરી, જેનાથી સરકારના દાવાનો પર્દાફાશ થયો છે.

પાકિસ્તાની યુઝરે પોતે સત્યનો પર્દાફાશ કર્યો

🚨 An Indian drone crashed near the food street adjacent to #Rawalpindi Cricket Stadium after colliding with a tree. The crash caused a fire at the site. On one hand, we are attacking India through social media; on the other hand, all of this is being watched . What's going on? pic.twitter.com/tKs10Nikd1

— Islamabadies (@Islamabadies) May 8, 2025

સોશિયલ મીડિયા X પર એક યુઝરે લખ્યું, “રાવલપિંડી ક્રિકેટ સ્ટેડિયમની બાજુમાં આવેલા ફૂડ સ્ટ્રીટ પાસે એક ભારતીય ડ્રોન ઝાડ સાથે અથડાયા પછી ક્રેશ થયું. ક્રેશને કારણે સ્થળ પર આગ લાગી ગઈ.

પાકિસ્તાનનો 15 સ્થળો પર હુમલો કરવાનો નિષ્ફળ પ્રયાસ

તમને જણાવી દઈએ કે ભારતીય સશસ્ત્ર દળોએ બુધવારે રાત્રે ડ્રોન અને મિસાઇલોનો ઉપયોગ કરીને ઉત્તર અને પશ્ચિમ ભારતમાં અનેક લશ્કરી ઠેકાણાઓ પર હુમલો કરવાના પાકિસ્તાની સેનાના પ્રયાસોને નિષ્ફળ બનાવ્યા હતા અને બદલામાં લાહોરમાં પાકિસ્તાની હવાઈ સંરક્ષણ પ્રણાલીનો નાશ કર્યો હતો. અધિકારીઓએ ગુરુવારે આ માહિતી આપી. તેમણે કહ્યું કે પાકિસ્તાની સેનાએ અવંતીપુરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી, ઉત્તરલાઈ અને ભુજને નિશાન બનાવવાનો પ્રયાસ કર્યો હતો.