T20 વર્લ્ડ કપ માટે ભારત આવવું જ પડશે, નહીંતર… ICC એ બાંગ્લાદેશની માગણી ફગાવી, આ શરત નહીં માને તો થશે મોટું નુકસાન

બાંગ્લાદેશી ખેલાડી મુસ્તફિઝુર રહમાન અને IPLને લઈને વિવાદ ચાલી રહ્યો છે. જેમાં બાંગ્લાદેશે IPL સ્ટ્રીમ કરવાની મનાઈ ફરવામી દીધી હતી અને વર્લ્ડકપ ભારતમાં ન રમવા આવવાની માગણી કરી હતી. ત્યારે ICCએ આ માગણી ફગાવતા બાંગ્લાદેશને ઝટકો લાગ્યો છે.ICCએ કહ્યું કે વર્લ્ડકપ રમવા માટે ભારત આવવું જ પડશે નહિતર પોઈન્ટ કપાશે.

બાંગ્લાદેશે રમવા માટે ભારત જવું પડશે

મંગળવારે ICC અને બાંગ્લાદેશ ક્રિકેટ બોર્ડ (BCB) વચ્ચે થયેલી વર્ચ્યુઅલ મીટિંગ બાદ 2026 T20 વર્લ્ડ કપને લઈને વિવાદ વધુ ઘેરો બન્યો છે. ESPN-Cricinfoના અહેવાલ મુજબ, ICCએ BCBને સ્પષ્ટપણે કહ્યું હતું કે સુરક્ષા ચિંતાઓને કારણે બાંગ્લાદેશની મેચોને ભારતની બહાર ખસેડવાની તેની વિનંતીને નકારી કાઢવામાં આવે છે. ESPN-Cricinfoના અહેવાલ મુજબ, ICCએ એમ પણ કહ્યું હતું કે બાંગ્લાદેશે રમવા માટે ભારત જવું પડશે, નહીં તો પોઈન્ટ ગુમાવવાનો સામનો કરવો પડશે. લીગ તબક્કા દરમિયાન બાંગ્લાદેશ ભારતમાં ચાર મેચ રમવાનું હતું.

સૂત્રોના જણાવ્યા અનુસાર, ICC એ વર્ચ્યુઅલ મીટિંગ દરમિયાન બાંગ્લાદેશ ક્રિકેટ બોર્ડ (BCB) ને જાણ કરી હતી કે સુરક્ષા કારણોસર ભારતની બહાર મેચ રમવાની તેમની વિનંતીને નકારી કાઢવામાં આવી રહી છે. ICC એ BCB ને જણાવ્યું હતું કે બાંગ્લાદેશે T20 વર્લ્ડ કપ રમવા માટે ભારત જવું પડશે, નહીંતર તે પોઈન્ટ ગુમાવી શકે છે. દરમિયાન, BCB ના સૂત્રો કહે છે કે તેમને ICC દ્વારા વિનંતીને નકારવાની જાણ કરવામાં આવી નથી.

આ પણ વાંચો :રાજકોટમાં મૃત પતિની સંપત્તિ હડપવા મહિલાનું કૌભાંડ: પ્રથમ પત્નીના સંતાનને મિલકત ન મળે માટે બોગસ વસિયતનામું બનાવ્યું

શું છે સમગ્ર મામલો?

હકીકતમાં, IPL ટીમ KKR એ તાજેતરમાં BCCI ની વિનંતી પર બાંગ્લાદેશી ફાસ્ટ બોલર મુસ્તફિઝુર રહેમાનને મુક્ત કર્યો હતો. BCCI એ સ્થાનિક વિરોધને કારણે આ નિર્ણય લીધો હતો, જેમાં બાંગ્લાદેશમાં હિન્દુઓ પરના અત્યાચારો અંગે ભારતીયોમાં ગુસ્સો હતો. પરિણામે, ઘણા લોકોએ IPL દ્વારા રહેમાનને ₹9 ​​કરોડથી વધુ કિંમતે ખરીદવાનો વિરોધ કર્યો હતો.

જ્યારે BCCI એ રહેમાનને મુક્ત કર્યો, ત્યારે બાંગ્લાદેશી સરકાર પણ વિવાદમાં કૂદી પડી, 7 ફેબ્રુઆરીથી ભારતમાં શરૂ થનારા T20 વર્લ્ડ કપનો બહિષ્કાર કરવાની ધમકી આપી. ICC ને લખેલા પત્રમાં, બાંગ્લાદેશ ક્રિકેટ બોર્ડે જણાવ્યું હતું કે તે ભારતમાં તેની મેચો નહીં રમે અને માંગ કરી હતી કે તે મેચો શ્રીલંકામાં સ્થાનાંતરિત કરવામાં આવે.

બાંગ્લાદેશે દલીલ કરી હતી કે તેના ખેલાડીઓની સલામતી માટે આ જરૂરી છે. ગુસ્સામાં, બાંગ્લાદેશે બાંગ્લાદેશમાં IPL ના પ્રસારણ પર પણ પ્રતિબંધ મૂક્યો હતો. જોકે, ICC એ હવે સ્પષ્ટપણે કહ્યું છે કે બાંગ્લાદેશે વર્લ્ડ કપ મેચ રમવા માટે ભારતનો પ્રવાસ કરવો જ જોઇએ.