IND vs AUS: વરસાદના કારણે છેલ્લી T20 મેચ ધોવાઈ, ભારતે 2-1થી સીરિઝ જીતી, અભિષેક શર્માએ તોડ્યો આ રેકોર્ડ

પાંચમી T20I વરસાદને કારણે રદ કરવામાં આવી હતી. ભારતે પાંચ મેચની T20I શ્રેણીમાં ઓસ્ટ્રેલિયાને 2-1થી હરાવ્યું હતું. વરસાદના કારણે શ્રેણીની શરૂઆતની મેચ પણ ધોવાઈ ગઈ હતી. ત્યારબાદ ઓસ્ટ્રેલિયાએ બીજી મેચ જીતીને 1-0થી લીડ મેળવી હતી, પરંતુ ભારતે ત્રીજી અને ચોથી મેચ જીતીને 2-1ની અજેય લીડ મેળવી હતી. શ્રેણી બરાબર કરવા માંગતા ઓસ્ટ્રેલિયા માટે આજની મેચ મહત્વપૂર્ણ હતી.

વરસાદને કારણે આ મેચ અનિર્ણિત

ભારત-ઑસ્ટ્રેલિયા વચ્ચે ટી-20 શ્રેણીનો અંતિમ અને પાંચમો મુકાબલો બ્રિસ્બેનના ગાબામાં રમાયો હતો. વરસાદને કારણે આ મેચ અનિર્ણિત રહી હતી. ભારતે 4.5 ઓવરમાં વિનાવિકેટે 52 રન બનાવી લીધા હતા જે બાદ ભારે વરસાદ અને વાવાઝોડાને કારણે મેચ આગળ રમાઈ શકી ન્હોતી. મેચ રદ્દ થતા જ ભારતીય ટીમે ઑસ્ટ્રેલિયા વિરુદ્ધ ટી-20 શ્રેણી 2-1થી જીતી લીધી હતી. આ સાથે જ 2016, 2020 બાદ 2025માં પણ ઑસ્ટ્રેલિયાને તેના જ ઘરમાં શ્રેણીથી હરાવ્યું હતું.

A well-rounded team effort 👏🏆#TeamIndia | #AUSvIND pic.twitter.com/RZI9c6QlYP

— BCCI (@BCCI) November 8, 2025

બન્ને ટીમ વચ્ચે શ્રેણીની પહેલી ટી-20 મેચ પણ વરસાદને કારણે ધોવાઈ ગઈ હતી. આ પછી ઑસ્ટ્રેલિયાએ મેલબર્ન ટી-20 મેચ ચાર વિકેટે જીતી હતી. ભારતીય ટીમે ત્યારબાદ વાપસી કરતા હોબાર્ટ મેચને પાંચ વિકેટ અને ગોલ્ડ કોસ્ટ મુકાબલો 48 રને જીતી શ્રેણીમાં 2-1થી આગેકૂચ કરી હતી. આ સાથે જ 2008 બાદ ઑસ્ટ્રેલિયન ટીમ પોતાના ઘરમાં ભારત વિરુદ્ધ ટી-20 શ્રેણી જીતી શક્યું નથી.

𝙒.𝙄.𝙉.𝙉.𝙀.𝙍.𝙎 🏆

Congratulations #TeamIndia on winning the 5⃣-match T20I series in Australia. 🇮🇳#AUSvIND pic.twitter.com/rCg6RusMtd

— BCCI (@BCCI) November 8, 2025

ટોસ હારીને પહેલાં બેટિંગ કરવા ઉતરેલી ભારતીય ટીમને શુભમન ગીલ અને અભિષેક શર્માએ શાનદાર શરૂઆત અપાવી હતી. બન્ને વચ્ચે ફિફટીની ભાગીદારી થઈ હતી. અભિષેકને ચાર ઓવરની અંદર બે જીવનદાન મળ્યા હતા પરંતુ શુભમન ગીલ શરૂઆતથી જ ફોર્મમાં હતો પરંતુ બન્નેની મહેનત પર વરસાદે પાણી ફેરવી દીધું હતું.

આ પણ વાંચો : GSEB દ્વારા ધો.10 અને 12 સાયન્સ-કોમર્સની પરીક્ષાનું ટાઈમટેબલ જાહેર : આ તારીખથી થશે પરીક્ષાનો પ્રારંભ, જુઓ ટાઈમ ટેબલ

અભિષેક શર્માએ સૌથી ઓછા બોલમાં 1,000 T20 રન પૂરા કર્યા

ભારતીય બેટ્સમેન અભિષેક શર્માએ T20 આંતરરાષ્ટ્રીય ક્રિકેટમાં એક મોટો સીમાચિહ્ન હાંસલ કર્યો છે. તેણે માત્ર 528 બોલમાં 1,000 T20 આંતરરાષ્ટ્રીય રન પૂરા કર્યા છે, જે પૂર્ણ-સભ્ય (ટોચની 10 ટીમો) ના બેટ્સમેન માટે સૌથી ઝડપી છે. આ સંદર્ભમાં, તેણે સૂર્યકુમાર યાદવ (573 બોલ) અને ફિલ સોલ્ટ (599 બોલ) જેવા દિગ્ગજોને પાછળ છોડી દીધા છે.

આ ઉપરાંત, અભિષેક સૌથી ઓછી ઇનિંગ્સમાં 1,000 રન પૂરા કરવાના સંદર્ભમાં ભારતીય બેટ્સમેનોમાં બીજા ક્રમે છે. તેણે માત્ર 28 ઇનિંગ્સમાં આ સીમાચિહ્ન હાંસલ કર્યું. તે ફક્ત વિરાટ કોહલી (27 ઇનિંગ્સ) થી આગળ છે, જ્યારે કેએલ રાહુલ (29) અને સૂર્યકુમાર યાદવ (31) તેના પછી આવે છે.