મારે દર ચાર દિવસે દાઢીને…ટેસ્ટ ક્રિકેટમાંથી અચાનક નિવૃત્ત થયા બાદ વિરાટ કોહલીએ મૌન તોડ્યું, આ કારણને ગણાવ્યું જવાબદાર
ભારતીય ક્રિકેટ ટીમના કેપ્ટન વિરાટ કોહલીએ ટેસ્ટ ક્રિકેટમાંથી નિવૃત્તિ લેવાના નિર્ણય પર પહેલીવાર પોતાનું મૌન તોડ્યું છે. 8 જુલાઈના રોજ લંડનમાં યુવરાજ સિંહ દ્વારા આયોજિત એક ચેરિટી કાર્યક્રમમાં કોહલીએ કહ્યું કે આ નિર્ણયમાં તેની ઉંમરનો મોટો ફાળો હતો. ટેસ્ટ ક્રિકેટમાંથી અચાનક નિવૃત્ત થયા બાદ વિરાટ કોહલીએ પહેલીવાર આ મુદ્દે નિવેદન આપ્યું હતું. કોહલીએ કહ્યું કે તેણે દર ચાર દિવસે દાઢી રંગવી પડી રહી છે. તેણે આ વાત પૂર્વ ક્રિકેટર યુવરાજસિંહ દ્વારા આયોજિત એક ખાસ ગાલા ડિનર પર કહી હતી.
મેં બે દિવસ પહેલાં જ દાઢી રંગી
કોહલીને જ્યારે નિવૃત્તિ અંગે પૂછવામાં આવ્યું તો તેણે કહ્યું કે મેં બે દિવસ પહેલાં જ દાઢી રંગી છે. જ્યારે તમારે દર ચાર દિવસે દાઢી રંગવી પડે ત્યારે સમજી જવું જોઈએ કે હવે સમય આવી ગયો છે. કોહલીએ કાર્યક્રમમાં પૂર્વ હેડ કોચ રવિ શાસ્ત્રીના વખાણ કરતાં કહ્યું કે જો શાસ્ત્રીએ સમર્થન ન કર્યું હોત તો કોહલીનું ટેસ્ટ કરિયર આટલું સારું ન રહ્યું હોત.
આ પણ વાંચો : સાતમ-આઠમનાં મીની વેકેશનમાં વિદેશ પ્રવાસ માટે રાજકોટવાસીઓ તૈયાર : સિંગાપોર-મલેશિયાનાં બુકીંગ વધુ
આ કાર્યક્રમમાં ભારતના પૂર્વ ક્રિકેટર સચિન તેંડુલકર, વિન્ડિઝના બેટર ક્રિસ ગેઈલ, ઈંગ્લીશ બેટર કેવિન પીટરસન, બ્રાયન લારા, આશિશ નેહરા સહિતના ખેલાડીઓ હાજર રહ્યા હતા. ઈંગ્લેન્ડમાં ટેસ્ટ શ્રેણી રમી રહેલી ભારતીય ટીમ પણ ઉપસ્થિત રહી હતી.
‘યુવરાજ-ભજ્જી અને જેકથી મને આરામદાયક અનુભવ થયો’
કોહલીએ યુવરાજ સિંહ સાથેની તેની મિત્રતા વિશે પણ વાત કરી. તેણે યાદ કર્યું કે યુવરાજ, હરભજન સિંહ અને ઝહીર ખાન જેવા વરિષ્ઠ ખેલાડીઓ સાથે મળીને જ્યારે તે ભારતીય ટીમમાં નવો હતો ત્યારે તેને ઘણી મદદ કરી હતી. તેણે કહ્યું, ‘અમારા મેદાન પર અને બહાર ખૂબ જ સારા સંબંધો હતા. જ્યારે મેં ભારત માટે રમવાનું શરૂ કર્યું, ત્યારે યુવી, ભજ્જુ અને જેકે મને પોતાની છત્રછાંયામાં રાખ્યો અને ડ્રેસિંગ રૂમમાં મને આરામદાયક અનુભવ કરાવ્યો.’
