એફપીઆઈએ જુલાઈમાં કેટલી રકમ ઠાલવી ? વાંચો
સતત નીતિગત સુધારાની અપેક્ષાઓ, સતત આર્થિક વૃદ્ધિ અને કંપનીઓના સારા ત્રિમાસિક પરિણામોને કારણે, વિદેશી પોર્ટફોલિયો રોકાણકારોએ ચાલુ મહિને એટલે કે જુલાઈમાં અત્યાર સુધીમાં ભારતીય શેરબજારોમાં રૂ. 30,772 કરોડનું રોકાણ કર્યું છે. એમનો વિશ્વાસ સતત વધી રહ્યો છે.
મોર્નિંગસ્ટાર ઇન્વેસ્ટમેન્ટ રિસર્ચ ઇન્ડિયાએ જણાવ્યું હતું કે આ સિવાય બજેટ સુધારાલક્ષી હોવાની અપેક્ષાએ રોકાણકારોની સેન્ટિમેન્ટ મજબૂત કરી છે. આવનારા સમયમાં પણ રોકાણમાં વધારો થવાનો છે તેમાં કોઈ શંકા નથી.
જિયોજિત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે આગળ જતાં જો ડૉલર અને બોન્ડ યીલ્ડમાં નબળાઈનો તાજેતરનો ટ્રેન્ડ ચાલુ રહેશે તો ભારતીય બજારમાં એફપીઆઈની ખરીદી ચાલુ રહેશે. તેમણે જણાવ્યું હતું કે સ્થાનિક અને વિદેશી રોકાણકારો 23 જુલાઈએ રજૂ થનારા બજેટમાં લાંબા ગાળાના મૂડી લાભ કરમાં સંભવિત ફેરફારોની આતુરતાથી નજર રાખી રહ્યા છે.
ડિપોઝિટરી ડેટા અનુસાર, એફપીઆઈએ આ મહિને અત્યાર સુધીમાં (19 જુલાઈ સુધી) શેર્સમાં ચોખ્ખી રૂ. 30,772 કરોડની આવક કરી છે. અગાઉ જૂનમાં રાજકીય સ્થિરતા અને બજારોમાં તીવ્ર ઉછાળાને કારણે તેણે શેર્સમાં રૂ. 26,565 કરોડનું રોકાણ કર્યું હતું.
અગાઉ એફપીઆઈએ મે મહિનામાં ચૂંટણી પરિણામોને લઈને મૂંઝવણ વચ્ચે શેરમાંથી રૂ. 25,586 કરોડ પાછા ખેંચી લીધા હતા. મોરેશિયસ સાથેની ભારતની ટેક્સ સંધિમાં ફેરફાર અને યુએસ બોન્ડ યીલ્ડમાં વધારો થવાની ચિંતા વચ્ચે તેઓએ એપ્રિલમાં રૂ. 8,700 કરોડથી વધુ રકમ પાછી ખેંચી હતી.
