“HAPPY BIRTHDAY MY PRINCESS” ગર્લફ્રેન્ડ માહિકાના બર્થ ડે પર હાર્દિક પંડયાએ કરી રોમેન્ટિક પોસ્ટ, પૂલનો શર્ટલેસ ફોટો સોશિયલ મીડિયામાં વાયરલ
ટીમ ઈન્ડિયાનો સ્ટાર ઓલરાઉન્ડર હાર્દિક પંડ્યા સતત ચર્ચામાં છે. મેચમાં પોતાના પર્ફોમન્સને લઈને પણ અને પોતાના રિલેશનશીપને લઈને અવાર-નવાર હેડલાઇન્સમાં રહે છે. હાલમાં માહિકા શર્માને ડેટ કરી રહ્યો છે. તે ઘણીવાર તેની ગર્લફ્રેન્ડને પ્રેમનો વરસાદ કરતો જોવા મળે છે. હાર્દિકે માહિકાને ખાસ રીતે જન્મદિવસની શુભેચ્છા પાઠવી હતી.
આજે માહિકા શર્માનો જન્મદિવસ છે. ત્યારે આ ખાસ પ્રસંગે તેના બોયફ્રેન્ડ હાર્દિક પંડ્યાએ બંનેનો રોમેન્ટિક ફોટો શેર કર્યો. લેટ નાઈટ શેર કરાયેલા ફોટામાં, આ કપલ એક પૂલમાં જોવા મળે છે. ફોટામાં હાર્દિક પંડ્યા શર્ટલેસ જોવા મળે છે, જેમાં માહિકાને તેના હાથમાં પકડી રાખવામાં આવી છે.
“હેપ્પી બર્થડે, માય પ્રિન્સેસ”
ફોટો શેર કરતા, હાર્દિકે માહિકા પ્રત્યે પોતાનો પ્રેમ વ્યક્ત કર્યો. તેણે લખ્યું, “હેપ્પી બર્થડે, માય પ્રિન્સેસ.” બંનેનો આ રોમેન્ટિક ફોટો ઝડપથી ઇન્ટરનેટ પર વાયરલ થયો.
અગાઉ, વેલેન્ટાઇન ડે પર, હાર્દિકે માહિકાને એક ખાસ ટેટૂથી આશ્ચર્યચકિત કરી દીધું હતું. ક્રિકેટરે તેની ગરદનના પાછળના ભાગમાં તેની ગર્લફ્રેન્ડનો પહેલો અક્ષર, “M” ટેટૂ કરાવ્યો હતો.
નતાશા સ્ટેનકોવિકથી છૂટાછેડા પછી, હાર્દિકે 2025 માં માહિકાને ડેટ કરવાનું શરૂ કર્યું. બંને ઘણીવાર સાથે જોવા મળે છે.
