યુક્રેન સેના સામે શરણાગત થનાર મોરબીના યુવકના માતા-મામાને ATS અમદાવાદ લઇ ગઇ : મોરબીમાં પરિવારજનોનું મૌન
ગુજરાત જ નહીં દેશભરમાં ચકચાર જગાવનારરૂપ કેસમાં યુક્રેનમાં સેના સામે શરણાગત સ્વીકારનાર મોરબીના યુવકના મામલે ગુજરાત એટીએસએ પણ તપાસમાં ઝંપલાવ્યું છે. મોરબીનો રહેવાસી સાહિલ માજોઠી નામનો યુવાન રશિયા અભ્યાસ અર્થે ગયો હતો અને હાલ રશિયા યુક્રેન યુદ્ધ ચાલી રહ્યું છે જેમાં મોરબીના યુવાને રશિયન આર્મી વતી યુધ્ધમાં ભાગ લીધા બાદ યુક્રેન સામે સરન્ડર કરી દીધું હતું જેનો વિડીયો યુક્રેનિયન આર્મીએ જાહેર કર્યો છે તો બીજી તરફ મોરબીમાં યુવાનના ઘરે મીડિયા કર્મી ઓ અને પોલીસ પહોંચતા પરિવારજનો કોઈ જવાબ આપવા કે કઈપણ વાત કરવા તૈયાર ના હતા જેથી આશ્ચર્ય સર્જાયું હતું.
મોરબીના કાલિકા પ્લોટમાં રહેતા સાહિલ માજોઠી નામનો યુવાન ૨ વર્ષનો હતો ત્યારે માતાના તલાક થયા હતા અને માતા-પુત્ર મામાના ઘરે જ રહેતા અઢી વર્ષ પહેલા રશિયા ગયો હતો અને બે વર્ષ પહેલા ડ્રગ્સ કેસમાં પકડાયો હતો રશિયા અભ્યાસ સાથે કુરીયરમાં કામ કરતો હતો ડ્રગ્સ કેસમાં પકડાયા બાદ જેલમાં હોવાથી પરિવાર સાથે સંપર્ક ના હતો યુક્રેન આર્મીએ યુવાનનો વિડીયો જાહેર કરતા યુવાન મોરબીનો હોવાનું ખુલ્યું હતું જેથી યુવાનના માતા અને મામાને અમદાવાદ એટીએસ પૂછપરછ માટે અમદાવાદ લઇ ગઈ હતી.
આ પણ વાંચો :કોંગ્રેસરાજમાં ટેકાના ભાવે એક મણ મગફળી નથી ખરીદાઈ : ભાજપ સરકારને સુફિયાણી સલાહ આપતી કોંગ્રેસને ભૂતકાળ યાદ કરાવતા ગોવિંદભાઇ પટેલ
દરમિયાન મોરબીના કાલિકા પ્લોટ ખાતે આવેલ મકાન ખાતે માસી, બહેન અને નાનીમા સહિતના અન્ય પરિવારજનો હાજર હતા પરંતુ મીડિયા કર્મીઓ અને પોલીસ માહિતી માટે આવતા દરવાજો ખોલ્યો જ ના હતો પોલીસે દરવાજો ખોલવા પ્રયાસ કર્યા છતાં કોઈ જવાબ મળ્યો ના હતો યુવાન એક તરફ યુદ્ધ કેદી તરીકે સરન્ડર કરી ચુક્યો છે બીજી તરફ યુવાનના પરિવારજનો મીડિયા અને પોલીસને જવાબ આપવાથી કેમ બચી રહ્યા છે તે મોટો સવાલ છે ?
