અયોધ્યામાં દીપોત્સવ : સરયુ નદીના કિનારે 28 લાખ દિવડા પ્રગટ્યા
અયોધ્યામાં રામ મંદિરના ઉદઘાટન પછી બુધવારે પહેલી વાર સરયુ નદીના કિનારે ૨૫ લાખ દિવડા પ્રગટાવવામાં આવ્યા હતા. આ દીપ પ્રાગટ્યની શરૂઆત રામ કી પૈડી ખાતેથી મુખ્યમંત્રી યોગી આદિત્યનાથે કરાવી હતી. ૨૫ લાખ દિવડાનું પ્રાગટ્ય નિહાળવા માટે મોટી સંખ્યામાં લોકો ઉમટી પડ્યા હતા. મુખ્યમંત્રીએ સરયુ કિનારે ગંગા નદીની આરતી કરી હતી. તેમણે કહ્યું હતું કે, જેવું ભવ્ય અયોધ્યા બન્યું છે તેવું જ ભવ્ય કાશી અને મથુરા બને તે જરૂરી છે.
ભગવાન રામ, સીતા અને લક્ષ્મણ પુષ્પક વિમાન દ્વારા અયોધ્યા પહોંચ્યાં હતાં. યુપીના સીએમ યોગી આદિત્યનાથે તેમનું સ્વાગત કર્યું હતું. આ પછી ભગવાન રામ, સીતા અને લક્ષ્મણ સાથે રથ પર સવાર થયા. યોગીએ ભગવાનનો રથ ખેંચ્યો હતો. ભગવાન રામને રામકથા પાર્કમાં લાવવામાં આવ્યા હતા. અહીં યોગીએ રામની આરતી કરી હતી તેમજ રાજ તિલક કર્યું હતું.
યોગીએ કહ્યું- આ દીવાઓ જે તમે પ્રગટાવશો તે માત્ર દીવા નથી. આ સનાતન ધર્મનો વિશ્વાસ છે. અયોધ્યાના લોકોએ આગળ આવવું પડશે. મથુરા-કાશી પણ અયોધ્યા જેવી દેખાવી જોઈએ.
અયોધ્યામાં રસ્તાઓ પર કલાકારો ડાન્સ કરી રહ્યા હતા. મરાઠી કલાકારે રસ્તા પર શિવાજીનો ધ્વજ લહેરાવ્યો. રામલલ્લાની પ્રાણપ્રતિષ્ઠા પછી આ પહેલો દીપોત્સવ છે. આ કાર્યક્રમને ખાસ બનાવવા માટે CM યોગી પોતે અયોધ્યામાં હાજર રહ્યા.
