ગ્વાલિયરમા અચાનક આંધી -વરસાદ સાથે વીજળી પડતાં 4 ના મોત

એક ખેડૂત ગંભીર ; ખેડૂતો ઝાડ નીચે ઊભા હતા ત્યારે વીજળી પડી

મંગળવારે મધ્ય પ્રદેશના કેટલાક ભાગોમાં મૌસમે કરવટ બદલી હતી. ગ્વાલિયર જિલ્લામાં વીજળી પડવાથી એક મોટી દુર્ઘટના સામે આવી હતી. ભીતરવાર વિસ્તારના કરહિયા ગામમાં ભારે તોફાન અને વરસાદ દરમિયાન વીજળી પડી હતી અને ઝાડ નીચે ઊભેલા ચાર લોકોના મોત થયા હતા.

આ ઘટનામાં એક વ્યક્તિ ગંભીર રીતે ઘાયલ પણ થઈ હતી જેને ગંભીર હાલતમાં હોસ્પિટલમાં દાખલ કરવામાં આવી હતી. રેવન્યુ ઓફિસર ગામમાં પહોંચી ગયા હતા અને ખેડૂતોના ખેતરોમાં સીમાંકનનું કામ ચાલી રહ્યું હતું. રેવન્યુ ઈન્સપેક્ટર અને પટવારી પણ સ્થળ પર હાજર હતા.

પરંતુ વરસાદ અને વીજળી પડતાં પહેલાં તે એક ઘરમાં બેસી ગયા હતા અને પાંચ ખેડૂતો એક ઝાડ નીચે ઊભા હતા. આ દરમિયાન વીજળી પડતાં મોટો અકસ્માત સર્જાયો હતો. મૃતકોના મૃતદેહને ગ્વાલિયર મોકલવામાં આવ્યા હતા અને ગંભીર રીતે ઘાયલ વ્યક્તિને હોસ્પિટલમાં સારવાર આપવામાં આવી રહી છે.