હવે દુનિયાના સૌથી ધનિક બિઝનેશમેન કોણ છે જુઓ ..

ત્રણ દિવસમાં ત્રણ મોટા ફેરફાર: ત્રણ દિવસ પહેલા નં.1 પર રહેલા જેફ બેજોસ હવે નીચે સરકી ગયા

દુનિયાના અમીર એટલે કે અત્યંત ધનવાન બિઝનેશમેનોની યાદીમાં પાછલા ત્રણ દિવસમાં ત્રણ મોટા ફેરફારો બહાર આવ્યા હતા. પહેલા દુનિયાના સૌથી ધનવાન એલન મસ્ક હતા. બે દિવસ પહેલા તેને પછાડીને જેફ બેજોસ દુનિયાના સૌથી અમીર બન્યા હતા પરંતુ હવે એમને પાછળ રાખીને બર્નાર્ડ આરનોલ્ટ દુનિયાના સૌથી ધનવાન બની ગયા હતા.

આરનોલ્ટ 197 અબજ ડોલરની સંપતિ સાથે સૌથી ઉપર આવી ગયા છે અને જેફ બેજોસ 196 અબજ ડોલરની સંપતિ સાથે બીજા નંબરે રહ્યા છે. હવે કોઈપણ ધનવાન પાસે 200 અબજ ડોલરની નેટવર્થ નથી. ત્રણ દિવસમાં આ પ્રકારે ત્રણ મોટા ફેરફારો બહાર આવ્યા હતા.

બ્લૂમબર્ગ બિલયોનર ઇન્ડેક્સમાં હવે ક્રમ ફરી ગયો છે. જે વ્યક્તિ ત્રણ દિવસ પહેલા દુનિયાની સૌથી અમીર હતી તે હવે નીચે સરકીને ત્રીજા નંબરે આવી ગઈ છે. મસ્કની સંપતિમાં સોમવારે 17.6 અબજ ડોલરનો ઘટાડો થયો હતો અને તેને પગલે તેઓ યાદીમાં નીચે ઉતરી ગયા હતા.