ગાંધીભૂમિ પોરબંદરમાં દારૂના દૂષણમાં વધારો
ગાંધીજયંતીની પૂર્વ સંધ્યાએ 24 કલાકમાં પ્રોહીબીશનના 24 કેસ નોંધાયા
પોરબંદર : ગાંધીજીની જન્મભૂમિ પોરબંદરમાં પોલીસની કડક કાર્યવાહી છતાં દારૂના દૂષણમાં વધારો થતાં ચિંતાનો વિષય બની ગયો છે. ગાંધી જયંતિ પૂર્વે, એક જ દિવસમાં 24 પ્રોહીબીશનના ગુન્હા નોંધાતા, શહેરમાં કાયદો અને વ્યવસ્થાની સ્થિતિ પર પ્રશ્નો ઉઠી રહ્યા છે.
ગાંધીજીના વિચારો અને આદર્શોને પાળવા માટે ગુજરાતમાં દારૂના પ્રોહીબીશન કાયદાનો અમલ થાય છે, છતાં પોરબંદર જિલ્લામાં દારૂના દૂષણમાં સતત વધારો જોવા મળી રહ્યો છે. 24 કલાકના સમયગાળા દરમિયાન, કેફી પીણાંના સેવન, દારૂના જથ્થા સાથે પકડાવવાની ઘટનાઓ વધી છે. કમલાબાગ, કીર્તિમંદિર, માધવપુર, રાણાવાવ અને મિયાણી મરીન પોલીસ મથક સહિત અલગ અલગ જગ્યાએ કુલ 24 કેસ નોંધાયા હતા. જેમાં કમલાબાગ પોલીસ મથકમાં સૌથી વધુ 8 કેસ નોંધાયા, જ્યારે કીર્તિમંદિર વિસ્તારમાં 7 કેસ, માધવપુર અને રાણાવાવમાં 1-1, અને મિયાણી મરીનમાં 5 કેસ નોંધાયા હતા.
દારૂના દૂષણ સામે પોરબંદરમાં પોલીસના ચક્રવ્યૂહ કડક છે, અને નિયમિત છાપામાર કામગીરી કરવામાં આવી રહી છે. તેમ છતાં, શહેર અને આસપાસના વિસ્તારોમાં દારૂની ઉપલબ્ધતા અને નશાખોરીનો પ્રવાહ અટકવામાં મુશ્કેલીઓ આવી રહી છે. પોરબંદરના પ્રજાજનો વચ્ચે આ ઘટનાએ આશ્ચર્ય અને રોષ ફેલાવ્યો છે. “ગાંધીજીની જન્મભૂમિમાં દારૂનું આ પ્રમાણ વધીએ સ્વીકાર્ય નથી,” એમ કેટલાક નાગરિકોએ જણાવ્યુ છે. રાજ્ય સરકાર અને પોલીસના પ્રયાસો છતાં દારૂના દૂષણનો વ્યાપ ગહન થઈ રહ્યો છે, અને સ્થાનિક લોકોની આ સમસ્યા દૂર કરવા માટે વધુ કડક કાર્યવાહી હાથ ધરવામાં આવે તેવી માંગ ઉઠી છે.
