સલાયામાંથી પકડાયેલા 500 કિલો હેરોઇન કેસમાં ચાર્જશીટ દાખલ
25 માં આરોપી સામે અમદાવાદ NIA કોર્ટમાં તહોમતનામુ મુકાયુ
સલાયા બંદરેથી વર્ષ 2018 માં 500 કિલો હેરોઇન સુરક્ષા એજન્સીઓએ ઝડપી પાડ્યું હતું. જેની તપાસ ગુજરાત ATS કરી રહી હતી. વર્ષ 2020 માં આ કેસ ઇન્ટરનેશનલ હોવાથી ગૃહ મંત્રાલયના આદેશથી તપાસ NIA ને સોંપવામાં આવી હતી. આજે અમદાવાદ સિટી સિવિલ એન્ડ સેશન્સ કોર્ટ ખાતે આવેલ NIA ની સ્પેશિયલ કોર્ટમા NIA દ્વારા 25 માં આરોપી સામે ચાર્જશીટ ફાઇલ કરવામાં આવ્યું છે. આ કેસમાં આ 07 મી સપ્લીમેંટરી ચાર્જશીટ છે.પાકિસ્તાનથી ડ્રગ્સ સલાયા બંદર લાવીને ગુજરાતમાં ઘૂસાડાતુ હતું.
25 માં આરોપી તરીકે પંજાબનાં મનોજકુમાર શર્મા સામે ચાર્જશીટ ફાઇલ કરાયુ છે. આરોપીઓ સામે IPC ની કલમ અને NDPS ની કલમો અંતર્ગત ગુન્હો નોંધાયેલ છે. દરિયેથી ડ્રગ્સ ગુજરાત લાવી પંજાબ અને દિલ્હી મોકલાતું હતું.
આ ડ્રગ્સ કેસમાં ઈટલી, ઓસ્ટ્રેલિયા, થાઇલેન્ડ, UAE, અફઘાનિસ્તાનની સિંડીકેટ સંકળાયેલી છે.ઇટલીના સિમરનજીતસિંહ સંધુ, પાકિસ્તાનના હાજી સાબ અને નબી બક્ષ, ઓસ્ટ્રેલિયાનો તનવીરસિંહ બેદી ડ્રગ્સ રેકેટ સાથે સંકળાયેલા છે. આ ડ્રગ્સના વેચાણ થકી મળતા પૈસાનો ઉપયોગ કાશ્મીરમાં આતંકવાદ ફેલાવવા થતો હતો. આરોપી ઈટલી, થાઇલેન્ડ, ઓસ્ટ્રેલિયા જેવા દેશોમાં હવાલા કૌભાંડ સાથે પણ સંકળાયેલ છે. ડ્રગ્સનાં ધંધા થકી મિલકતો પણ ઊભી કરેલ છે. આ કેસમાં વધુ તપાસ ચાલુ છે.