જામનગર રોડ પર રિક્ષા ગેંગે યુવકનું 10 હજાર રોકડ ભરેલું પાકીટ સેરવી લીધું

રાજકોટમાં ફરી રિક્ષા ગેંગ સક્રિય બની છે.અને વધુ એક મુસાફરનું ખિસ્સું હળવું કર્યું હતું.ઈશ્વરીયા ગામે રહેતા પ્રકાશભાઈ સુરેશભાઈ ગોહેલ ગત તા.30ના માધાપર ચોકડીએથી ઓટો રિક્ષા કરીને બજરંગવાડીમાં રહેતા તેમના બહેનના ઘરે જતાં હતા.ઓટો રિક્ષામાં તેમની સાથે અન્ય પેસેન્જર પણ બેઠેલા હતા.રિક્ષા બજરંગવાડી પોલીસ ચોંકી પાસે પહોંચી ત્યારે રિક્ષા ચાલકે પ્રકાશભાઈને નીચે ઉતારી દીધા હતા.અને પોતે અન્ય પેસેન્જરને ઉતારીને પરત આવે છે.તેમ કહ્યું હતું.રિક્ષા ગયા બાદ પ્રકાશભાઈએ તેમના પેન્ટના ખિસ્સામાં જોતાં તેમનું રોકડ રૂ.10 હજાર ભરેલું પાકીટ જોવા મળ્યું ન હતું.જેથી રિક્ષામાં સાથે બેઠેલા પેસેન્જરે સેરવી લીધાનું માલૂમ પડતાં ગાંધીગ્રામ પોલીસમાં ફરિયાદ નોંધાવી છે.