અવકાશમાંથી સીધા ધરતી પર, સ્પેસએક્સને ત્રણ દિવસમાં જ 600 અબજ ડોલરનો ઝટકો

Wed, June 24 2026

AI માટે ભારે દેવું કરવાની યોજનાથી શેરમાં 23%નો કડાકો

વિક્રમ સર્જક 75 અબજ ડોલરના IPO પછી રોકાણકારોની પહેલી પસંદ બનેલી એલોન મસ્કની સ્પેસએક્સને હવે જોરદાર ઝટકો લાગ્યો છે. કંપનીના શેર સતત ત્રીજા દિવસે તૂટતાં માત્ર ત્રણ ટ્રેડિંગ સેશનમાં જ બજાર મૂલ્યમાંથી 600 અબજ ડોલરથી વધુ રકમ સાફ થઈ ગઈ છે. સોમવારે શેર 16 ટકા ઘટીને 154.60 ડોલરે બંધ થયો, જે લિસ્ટિંગ બાદનો સૌથી નીચો સ્તર છે.

સ્પેસએક્સ હવે AI ક્ષેત્રમાં આક્રમક વિસ્તરણ માટે પ્રથમ વખત ઇન્વેસ્ટમેન્ટ-ગ્રેડ બોન્ડ્સ દ્વારા ઓછામાં ઓછા 20 અબજ ડોલર ઉઠાવવાની તૈયારીમાં છે. આ સમાચાર બાદ રોકાણકારોમાં ચિંતા વધી છે. વિશ્લેષકોનું માનવું છે કે કંપનીની ભવિષ્યની વૃદ્ધિની ઘણી અપેક્ષાઓ પહેલેથી જ શેરના ભાવમાં સમાવાઈ ગઈ હોવાથી હવે નફાવસૂલીનું દબાણ વધી રહ્યું છે.

આ પણ વાંચો: અમેરિકાએ ઈરાન ઓઇલ ઉપરથી પ્રતિબંધ હટાવતાં ભારતને ઘી-કેળા

જોકે ભારે ઘટાડા છતાં સ્પેસએક્સનું માર્કેટ કેપિટલાઇઝેશન હજુ પણ 2 ટ્રિલિયન ડોલરથી વધુ છે અને IPO ભાવ કરતાં શેર લગભગ 15 ટકા ઉપર છે. તેમ છતાં, શરૂઆતના ઉત્સાહ પછી હવે બજારમાં સાવચેતીનો માહોલ જોવા મળી રહ્યો છે.