મેઘરાજા એન્ટ્રી કરવા તૈયાર: વેસ્ટર્ન ડિસ્ટર્બન્સના જોરે 7 દિવસ રાજ્યમાં વરસાદી માહોલ, ચોમાસું નજીક

રાજ્યમાં ચોમાસાના આગમનના એંધાણ વચ્ચે હવામાન વિભાગે આગામી 7 દિવસ માટે વરસાદની આગાહી કરી છે. વિભાગના જણાવ્યા મુજબ વેસ્ટર્ન ડિસ્ટર્બન્સની અસરને કારણે 10થી 16 જૂન દરમિયાન રાજ્યમાં સામાન્યથી મધ્યમ વરસાદ પડી શકે છે. ખાસ કરીને દક્ષિણ ગુજરાતના જિલ્લાઓમાં આ સમયગાળા દરમિયાન વરસાદી માહોલ રહેશે, જ્યારે 14થી 16 જૂન વચ્ચે સૌરાષ્ટ્રના કેટલાક વિસ્તારોમાં પણ મેઘમહેર થવાની શક્યતા છે. હવામાનમાં આવી રહેલા આ સતત ફેરફારોને કારણે રાજ્યમાં ચોમાસાનું ધીમે ધીમે આગમન થશે તેવા સંકેતો વધુ મજબૂત બન્યા છે.