યુદ્ધના ભણકારાથી બજાર ધ્રૂજ્યું: સેન્સેક્સ 465 તૂટ્યો, નિફ્ટીમાં 142 પોઈન્ટનો કડાકો

અમેરિકા અને ઈરાન વચ્ચે ફરી હુમલા શરૂ થતાં વૈશ્વિક બજારોમાં ગભરાટ ફેલાયો છે. તેની સીધી અસર ભારતીય શેરબજાર પર જોવા મળી. ગુરુવારે બજાર ખુલતાં જ સેન્સેક્સ 465 પોઈન્ટ ગગડીને 73,615.99 પર ખુલ્યો અને જોતજોતામાં 73,518.75ના તળિયે પહોંચી ગયો. બુધવારે સેન્સેક્સ 73,983.18 પર બંધ રહ્યો હતો. બીજી તરફ નિફ્ટી પણ 142 પોઈન્ટ તૂટીને 23,104.40 પર ખુલ્યો અને ઘટીને 23,072.05 સુધી સરકી ગયો. બુધવારે નિફ્ટી 23,214.95 પર બંધ થયો હતો. માત્ર શેરબજાર જ નહીં, કોમોડિટી માર્કેટમાં સોના-ચાંદીના ભાવમાં પણ કડાકો જોવા મળ્યો. શેરબજારથી લઈ ઓઈલ માર્કેટ સુધી વ્યાપેલી અસ્થિરતાને કારણે રોકાણકારોની મૂડીમાં મોટો ઘટાડો નોંધાયો છે.