31 ડિસેમ્બરે નિવૃત્ત થવાના હતા, અચાનક પગલું
ટોચ લેવલના બેન્કર ઉદય કોટકે પ્રાઈવેટ સેક્ટરની કોટક મહિન્દ્રા બેન્કના મેનેજિંગ ડિરેક્ટર તથા સીઇઓ પદેથી તાત્કાલિક અસરથી રાજીનામું આપી દીધું છે. બેન્કે કહ્યું કે ઉદય કોટક 31 ડિસેમ્બર, 2023ના રોજ નિવૃત્ત થવાના હતા. તે પહેલાં જ તેમણે રાજીનામું આપી દીધું છે.
ઉદય કોટકે બેન્કના બોર્ડને એક પત્ર લખ્યો હતો. જેમાં તેમણે જણાવ્યું કે મારી પાસે હજુ અમુક મહિના બાકી છે પરંતુ હું તાત્કાલિક અસરથી રાજીનામું આપું છું. મેં મારો નિર્ણય વિચારીને લીધો છે અને મારું માનવું છે કે આ કોટક મહિન્દ્રા બેન્ક માટે સારું રહેશે.
ઉલ્લેખનીય છે કે ઉદય કોટકે મહિન્દ્રા બેન્કની 1985માં નોન બેન્કિંગ ફાયનાન્શ કંપની તરીકે શરૂઆત કરી હતી. તે 2003માં એક ફુલ કોમર્શિયલ બેન્ક તરીકેનો લાયસન્સ મળ્યા બાદથી જ બેન્કનું નેતૃત્વ કરી રહ્યા હતા.
