GST ટ્રિબ્યુનલ માટે પોર્ટલ થયું શરૂ: રાજકોટમાં 800 જેટલા પેન્ડિંગ કેસ, આ છે અપીલ દાખલ કરવાની છેલ્લી તારીખ

GST લાગુ થયાના 8 વર્ષ બાદ ટ્રિબ્યુનલ પોર્ટલ શરૂ થવા જઈ રહ્યું છે. આઠ વર્ષથી સીએ અને ટેક્સ પ્રેક્ટિસનરો GST ટ્રિબ્યુનલ માટેની રાહ જોઈ રહ્યા હતાં, રાજકોટ સુરત,અમદાવાદ, ભાવનગર અને વડોદરામાં ટ્રિબ્યુનલ શરૂ થવાનું છે જેની તૈયારીઓ પુરજોશમાં ચાલી રહી છે.

આ દરમિયાન GST વિભાગ દ્વારા પોર્ટલ સેવા શરૂ કરવામાં આવતા કેટલીક યુટીલીટી આવ્યા બાદ વેપારીઓ અરજી કરી શકશે. રાજકોટમાં એક સાથે 800 થી 1000 કેસ ટ્રીબ્યુનલમાં દાખલ થાય તેવી શક્યતા છે.

આ પણ વાંચો :વધતાં ભાવ વચ્ચે સોના-ચાંદીની ખરીદીમાં ગોલ્ડન ટાઇમ: ગુજરાતીઓ એક મહિનામાં 600 કરોડની જ્વેલરી ખરીદશે

દરેક બેચ માટે તારીખ આપવામાં આવી હોવા છતાં 30 માર્ચ 2026 સુધી જારી કરાયેલા આદેશ માટે અપીલ દાખલ કરવાની છેલ્લી તારીખ 30 મી જૂન 2026 છે. વેપારીઓને ટ્રીબ્યુનલમાં જવું હોય તો દસ ટકા રકમ ભરવી પડશે જેથી અગાઉના ઓર્ડર પર તે આપવામાં આવે છે. રાજકોટમાં અયોધ્યા ચોકમાં આવેલા એક કોમ્પ્લેક્સમાં GST અપીલ માટે ની કચેરી બની રહે છે.