રાજકોટ પોલીસ કંટ્રોલ રૂમમાં વીજળી ‘ગાયબ’: કલાકો સુધી લાઈટ ન આવતા કોમ્પ્યુટર ઠપ્પ, કામ ખોરવાયું
રાજકોટ શહેરની લાખો લોકોની સુરક્ષાની જવાબદારી જેના પર રહેલી છે તે ર્રેસકોર્સ રિંગરોડ પર પોલીસ કમિશનર કચેરી ખાતે કાર્યરત કંટ્રોલ રૂમમાં કલાકો સુધી વીજ પૂરવઠો ખોરવાઈ જતાં અફડાતફડી થઈ જવા પામી હતી. વીજ સપ્લાય અટકી જવાને કારણે કંટ્રોલ રૂમના તમામ કોમ્પ્યુટર ઠપ્પ થઈ ગયા હતા સાથે સાથે ફોન પણ મૂંગા થઈ જતા 100 નંબર ઉપરાંત લેન્ડલાઈન નંબર પણ સંપર્કવિહોણો થઈ જતા આખરે શું થયું હશે તેવી ચર્ચાએ જોર પકડી લીધું હતું.
આ પણ વાંચો : મચ્છુ જળ હોનારતની આજે 46મી વરસી : મચ્છુ 2 ડેમે સર્જી હતી તારાજી, તસવીરો જોઈ આજે પણ હચમચી જશ
આ અંગે પોલીસ કંટ્રોલ રૂમના એક અલાયદા નંબર ઉપર સંપર્ક સાધવામાં આવતાં જાણવા મળ્યું હતું કે કલાકોથી વીજળી ગૂલ થઈ જતા પીજીવીસીએલને આ અંગે જાણ કરવામાં આવી હતી. જો કે ત્યાંથી ડીઓમાં ફોલ્ટ આવ્યાનો જવાબ આપી ટેક્નીકલ કારણ આગળ ધરવામાં આવ્યું હતું પરંતુ આખરે આ ફોલ્ટ ક્યારે ઠીક થશે તેને નિશ્ચિત સમય આપવામાં આવ્યો ન્હોતો.
કલાકો સુધી વીજળી ન આવતા સ્ટાફ રોજિંદી કામગીરીથી અલિપ્ત થઈ જવા પામ્યો હતો. બીજી બાજુ પોલીસ કંટ્રોલ રૂમમાં જનરેટર સહિતની વ્યવસ્થા શા માટે નહીં હોય તેવો સવાલ પણ ઉપસ્થિત થયા વગર રહેતો નથી.
