અક્ષય કુમારે સ્ટંટમેન માટે ભર્યું મોટું પગલું : 650થી વધુ લોકોનો વીમો કરાવીને ફરી એકવાર ફેન્સના દિલ જીત્યા

હાલ ફિલ્મોમાં સ્ટંટનો ક્રેઝ વધતો જાય છે. અનેક ફિલ્મો તેના સ્ટંટના કારણે વધુ પ્રસિદ્ધિ મેળવે છે પરંતુ જે સ્ક્રીન દર્શાવવામાં આવે છે તેના કરતા પણ ખુબ જ કઠિન કામગીરી સ્ટંટમેનની હોય છે તાજેતરમાં જ પા રંજીતની આગામી ફિલ્મના સેટ પર પ્રખ્યાત સ્ટંટમેં એસએમ રાજુનું નિધન થયું હતું. જે બાદ સ્ટંટમેનની સેફટી મામલે અનેક સવાલ ઉભા થયા હતા ત્યારે આ મામલે હવે બોલિવૂડના એક્શન હીરો અક્ષય કુમારે આ મુદ્દે એક મોટું પગલું ભર્યું છે.

સ્ટંટમેનની સલામતી પર પ્રશ્નો ઉભા થયા, એક્શન ડિરેક્ટરે શું કહ્યું?

અક્ષય કુમાર સામાન્ય રીતે પોતાના સ્ટંટ પોતે કરે છે. ભાગ્યે જ જોવા મળે છે કે તેણે પોતાના સ્ટંટ માટે બોડી ડબલનો ઉપયોગ કર્યો હોય. તમિલ સ્ટંટમેન રાજુના મૃત્યુ પછી, અભિનેતાએ દેશભરના સ્ટંટમેન માટે વીમો લેવાનું નક્કી કર્યું છે. આ માહિતી જાણીતા એક્શન ડિરેક્ટર વિક્રમ સિંહ દહિયાએ પોતે ઇન્ડિયા ટુડે સાથેની ખાસ વાતચીતમાં આપી હતી. તેમણે જણાવ્યું હતું કે અક્ષયે હંમેશા સ્ટંટમેનની સલામતી અને વીમા પર ધ્યાન આપ્યું છે, જેનાથી તેમને ઘણી મદદ મળી છે.

વિક્રમ સિંહે વધુમાં કહ્યું કે આટલી બધી સલામતી હોવા છતાં, સ્ટંટમેનનું કામ ખૂબ જોખમી છે. શરીરને અમુક હદ સુધી જ આંચકાનો અનુભવ થઈ શકે છે. તેમણે સ્ટંટમેન રાજુના મૃત્યુ પર પણ શોક વ્યક્ત કર્યો. વિક્રમ સિંહે એમ પણ કહ્યું કે દક્ષિણની તુલનામાં, બોલિવૂડમાં સ્ટંટમેનની સલામતીને વધુ મહત્વ આપવામાં આવતું હતું, જેમાં અક્ષય કુમારે મોટી ભૂમિકા ભજવી હતી. તેમણે દેશભરમાં લગભગ 650-700 સ્ટંટમેન માટે વીમો મેળવ્યો.

સ્ટંટમેનની સલામતી માટે અક્ષય કુમાર કેવી રીતે આગળ આવ્યા?

વિક્રમ સિંહ અક્ષય કુમાર વિશે કહે છે, ‘હું અક્ષય કુમાર સરનો આભાર માનું છું જેમણે લગભગ 650-700 સ્ટંટમેન અને એક્શન ક્રૂ સભ્યો માટે વીમો મેળવ્યો છે. આમાં તેમનો સ્વાસ્થ્ય અને અકસ્માત વીમો બંનેનો સમાવેશ થાય છે.’ જો કોઈ સ્ટંટમેન સેટ પર કે તેની બહાર ઘાયલ થાય છે, તો તે 5-5.5 લાખ રૂપિયા સુધીની કેશલેસ સારવાર મેળવી શકે છે. જો કોઈ સ્ટંટમેન અચાનક મૃત્યુ પામે છે, તો તેના પરિવારને 20-25 લાખ રૂપિયાની ચુકવણી મળશે.

‘આ વીમો પહેલા અસ્તિત્વમાં નહોતો. અક્ષય કુમારે માત્ર પહેલ જ નહોતી કરી પણ તેના માટે પૈસા એકઠા કરવામાં પણ મદદ કરી. તે જાણે છે કે સ્ટંટમેનનું જીવન કેવું હોય છે.’ ફિલ્મ સ્ટંટ આર્ટિસ્ટ એસોસિએશનના જનરલ સેક્રેટરી એજાઝ ખાને પણ સ્ટંટ કલાકારો માટે અક્ષય કુમારની મદદ વિશે વાત કરી. તેમણે ઇન્ડિયા ટુડેને જણાવ્યું કે અક્ષય છેલ્લા આઠ વર્ષથી એટલે કે 2017 થી સ્ટંટ કલાકારોની સુરક્ષા માટે મદદનો હાથ લંબાવી રહ્યો છે.

આ પણ વાંચો : રાજકોટના રેસકોર્સની ચકરડીમાં બેસો’ને કંઈ થાય તો જવાબદારી તમારી રહેશે! વિવાદ શરૂ થતાં જ મનપા કમિશનરે ગ્રાઉન્ડ ખાલી કરાવવા આપ્યો આદેશ

તે કહે છે, ‘આ આખી વીમા પોલિસી, જેણે ઘણા સ્ટંટ કલાકારોને મદદ કરી છે, તેને છેલ્લા આઠ વર્ષથી અક્ષય કુમારે પોતાના ખિસ્સામાંથી ભંડોળ પૂરું પાડ્યું છે. અમારા ગ્રુપને આનો ઘણો ફાયદો થયો છે. એવા કેટલાક કિસ્સાઓ બન્યા છે જ્યાં કામ પર આવતા સમયે રોડ અકસ્માતમાં સ્ટંટમેનના મૃત્યુ થયા હતા. આ પોલિસી દ્વારા તેમના પરિવારને 20 લાખ રૂપિયાની મદદ મળી છે. અક્ષય કુમારે અમને આ પોલિસી 2017 માં ભેટ તરીકે આપી હતી, જે પછી તે અમારા માટે એક વળાંક સાબિત થઈ.