હર હર મહાદેવના નાદ સાથે અમરનાથ યાત્રાની પ્રથમ ટુકડી રવાના : LG મનોજ સિંહાએ આપી લીલી ઝંડી, ગુજરાતીઓની સંખ્યામાં ઘટાડો
બાબા બર્ફાનીના દર્શન માટે રાહ જોઈ રહેલા લાખો ભક્તોની રાહ આખરે પૂરી થઈ ગઈ છે. અમરનાથ યાત્રાની શરૂઆત આજથી થઈ છે. જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ ભગવતી નગર બેઝ કેમ્પથી શ્રીનગર સુધી 146 વાહનો સાથે પ્રથમ બેચને લીલી ઝંડી આપી હતી. આ બેચ 3 જુલાઈના રોજ પવિત્ર અમરનાથ ગુફામાં બાબા બર્ફાનીના દર્શન કરશે.
અમરનાથ યાત્રા માટેનો પહેલો જથ્થો આજે જમ્મુથી રવાના થયો છે. લેફ્ટનન્ટ ગવર્નર મનોજ સિન્હાએ ભગવતી નગર બેઝ કેમ્પથી યાત્રાને લીલી ઝંડી આપી હતી. યાત્રાળુઓ બપોરે કાશ્મીર ખીણ પહોંચશે. જોકે, યાત્રા આવતીકાલથી સત્તાવાર રીતે શરૂ થશે.
યાત્રા 9 ઓગસ્ટે રક્ષાબંધનના દિવસે સમાપ્ત થશે
38 દિવસ સુધી ચાલનારી આ યાત્રા પહેલગામ અને બાલતાલ બંને રૂટ પરથી નીકળશે. જમ્મુ-શ્રીનગર રાષ્ટ્રીય ધોરીમાર્ગ (NH-૪૪) સહિત સમગ્ર રૂટ પર સુરક્ષા વધારી દેવામાં આવી છે. આ યાત્રા 9 ઓગસ્ટે રક્ષાબંધનના દિવસે સમાપ્ત થશે.
ગયા વર્ષે આ યાત્રા 52 દિવસ ચાલી હતી અને 5 લાખ શ્રદ્ધાળુઓએ બાબા બર્ફાનીના દર્શન કર્યા હતા. અત્યાર સુધીમાં 3.5 લાખથી વધુ શ્રદ્ધાળુઓએ અમરનાથ યાત્રા માટે નોંધણી કરાવી છે. તાત્કાલિક નોંધણી માટે, જમ્મુમાં સરસ્વતી ધામ, વૈષ્ણવી ધામ, પંચાયત ભવન અને મહાજન સભામાં કેન્દ્રો ખોલવામાં આવ્યા છે.
યાત્રામાં ગુજરાતીઓની સંખ્યામાં ઘટાડો
અમરનાથની યાત્રામાં ગુજરાતથી યાત્રાળુઓમાં 8 ગણાથી વધુનો ઘટાડો નોંધાયો છે. ગુજરાતમાંથી આ વખતે પાંચ હજાર જેટલા જ શ્રદ્ધાળુઓ અમરનાથમાં દર્શન કરવા જાય તેવી સંભાવના છે. ત્યારે આ વખતે ઘટાડો થયો છે.
કોઈ પણ ધમકીથી ભક્તોની શ્રદ્ધાને ડગમગી શકે નહીં: LG
જમ્મુના તાવી રિવરફ્રન્ટ ખાતે ‘તાવી આરતી’માં ભાગ લેનારા જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ મંગળવારે કહ્યું કે આજે આખી દુનિયાની નજર અમરનાથ યાત્રા પર છે, અને કોઈ પણ ધમકીથી ભક્તોની શ્રદ્ધાને ડગમગી શકે નહીં. LG સિન્હાએ દાવો કર્યો હતો કે આ વર્ષની અમરનાથ યાત્રા પાછલા બધા વર્ષો કરતાં વધુ ઐતિહાસિક હશે અને તેમના માટે તે જમ્મુ અને કાશ્મીરના પ્રાચીન ગૌરવને પુનઃસ્થાપિત કરવાની તક છે.
#WATCH | J&K | Security is heightened along the Jammu-Srinagar National Highway (NH-44) as Shri Amarnath Yatra begins today pic.twitter.com/Sugc8sQVLT
— ANI (@ANI) July 2, 2025
લેફ્ટનન્ટ ગવર્નરે કહ્યું, “મારા માટે, જમ્મુ અને કાશ્મીરની જવાબદારી ફક્ત વહીવટી જવાબદારી નથી, તે પવિત્ર ભૂમિને તેની ખોવાયેલી છબીને પુનઃસ્થાપિત કરવાની તક છે. મેં તેને પવિત્ર મંદિર જેવો ભવ્ય દેખાવ આપવાનો પ્રયાસ કર્યો છે.” તેમણે વધુમાં કહ્યું કે 2019 પછી, જમ્મુ અને કાશ્મીર અંધકારમાંથી બહાર આવ્યું છે અને આદર, ગૌરવ અને આધ્યાત્મિકતાની નવી ઊંચાઈઓ તરફ આગળ વધ્યું છે.
આ પણ વાંચો : “ચિન્નાસ્વામી સ્ટેડિયમની બહાર થયેલી નાસભાગ RCBના કારણે થઈ” બેંગલુરુ દુર્ઘટના પર ટ્રિબ્યુનલનો રિપોર્ટ
દુનિયાની નજર આ યાત્રા પર
મનોજ સિન્હાએ અમરનાથ યાત્રા વિશે કહ્યું, “દુનિયાની નજર આ યાત્રા પર છે. ભક્તોનો સંકલ્પ મક્કમ છે. કોઈ પણ ધમકી કે ભય તેમના વિશ્વાસને ડગમગી શકે નહીં.” તેમણે કહ્યું કે આખું જમ્મુ અને કાશ્મીર બાબા બર્ફાનીના ભક્તોનું સ્વાગત કરવા માટે તૈયાર છે, અને આ યાત્રા આધ્યાત્મિક ઉર્જાથી ભરપૂર રહેશે. તેમણે ભગવાન શિવ દરેકને સ્વાસ્થ્ય, સુખ અને શાંતિ પ્રદાન કરે તેવી પણ કામના કરી.
