Bank Holidays June 2025: ગુજરાતમાં જૂન મહિનામાં આટલા દિવસ બેંક રહેશે બંધ, ફટાફટ પતાવી લેજો તમારા મહત્વના કામ
મે મહિનો પૂરો થવાનો છે અને જૂન શરૂ થવાનો છે. ત્યારે જો તમે જૂનમાં કોઈ મહત્વપૂર્ણ બેંકિંગ કાર્ય પૂરું કરવાનું આયોજન કરી રહ્યા છો, તો પહેલા રજાઓની યાદી તપાસો. રિઝર્વ બેંક ઓફ ઈન્ડિયા (RBI) એ જૂન 2025 માટે બેંક રજાઓની સંપૂર્ણ યાદી બહાર પાડી છે. આ મહિનામાં કુલ 12 રજાઓ છે, જેમાં દર રવિવાર અને બીજા-ચોથા શનિવારની રજાઓનો સમાવેશ થાય છે. ત્યારે વાત જો ગુજરાતની કરવામાં આવે તો ગુજરાતમાં 8 દિવસ બેન્ક બંધ રહેવાની છે જેમાં શનિવાર અને રવિવારનો પણ સમાવેશ થાય છે.
જૂન 2025 માં બેંક રજાઓની સંપૂર્ણ યાદી
- 1 જૂન (રવિવાર) – સાપ્તાહિક રજા – બધી બેંકો બંધ
- 6 જૂન (શુક્રવાર) – ઈદ-ઉલ-અઝહા (બકરીદ) – ફક્ત કેરળમાં બેંકો બંધ
- 7 જૂન (શનિવાર) – બકરીદ (ઈદ-ઉલ-અઝહા) – સમગ્ર ભારતમાં બેંકો બંધ
- 8 જૂન (રવિવાર) – સાપ્તાહિક રજા – બધી બેંકો બંધ
- 11 જૂન (બુધવાર) – સંત ગુરુ કબીર જયંતિ / સાગા દાવા – સિક્કિમ અને હિમાચલ પ્રદેશમાં બેંકો બંધ
- 14 જૂન (શનિવાર) – બીજો શનિવાર – બધી બેંકો બંધ
- 15 જૂન (રવિવાર) – સાપ્તાહિક રજા – બધી બેંકો બંધ
- 22 જૂન (રવિવાર) – સાપ્તાહિક રજા – બધી બેંકો બંધ
- 27 જૂન (શુક્રવાર) – રથયાત્રા / કાંગ (રથયાત્રા) – ઓડિશા અને મણિપુરમાં બેંકો બંધ
- 28 જૂન (શનિવાર) – ચોથો શનિવાર – બધી બેંકો બંધ
- 29 જૂન (રવિવાર) – સાપ્તાહિક રજા – બધી બેંકો બંધ
- 30 જૂન (સોમવાર) – રેમના ની – મિઝોરમમાં બેંકો બંધ
જો બેંકો બંધ હોય તો શું કરવું?
જો રજાના દિવસે બેંકો બંધ હોય, તો ગભરાવાની જરૂર નથી. UPI, નેટબેંકિંગ અને મોબાઇલ એપ્સ જેવી ડિજિટલ સેવાઓ ચાલુ રહેશે (જ્યાં સુધી કોઈ ટેકનિકલ સમસ્યા ન હોય). તમે ATM માંથી રોકડ ઉપાડી શકો છો અને મોટાભાગના ઓનલાઈન વ્યવહારો પણ કોઈ વિક્ષેપ વિના ચાલુ રહેશે.
આ પણ વાંચો : હવે બેન્કમાં 2-5 દિવસ માટે પણ FD કઢાવી શકાશે : ટૂંક સમયમાં રીઝર્વ બેન્ક નવા નિયમો જાહેર કરશે
RBI દર વર્ષે ‘નેગોશિયેબલ ઇન્સ્ટ્રુમેન્ટ્સ એક્ટ’ હેઠળ બેંક રજાઓની યાદી બહાર પાડે છે. આ કાયદા હેઠળ, રજાઓના દિવસે ચેક અને પ્રોમિસરી નોટ્સ જેવા દસ્તાવેજો પર પણ પ્રક્રિયા કરવામાં આવતી નથી. તેથી, જો તમારે કોઈ મોટો વ્યવહાર કરવો હોય, તો રજાઓની યાદી જોઈને અગાઉથી આયોજન કરો.
