લશ્કર-એ-તૈયબાના ડેપ્યુટી ચીફ સૈફુલ્લાહ કસુરીએ ખૈબર પખ્તુનખ્વાના એક વિસ્તારમાં આતંકવાદીઓના મેળાવડાને સંબોધિત કર્યો હતો સૈફુલ્લાહ કસુરીએ પોતાના નિવેદનમાં ભારત વિરુદ્ધ આકરા નિવેદનો આપ્યા હતા. પોતાના ભાષણમાં કસુરીએ કહ્યું કે હું વચન આપું છું કે આગામી 2 ફેબ્રુઆરી 2026 સુધીમાં, કાશ્મીર કબજે કરવા માટે અમારા શ્રેષ્ઠ પ્રયાસો કરીશું. આગામી દિવસોમાં, અમારા મુજાહિદ્દીન હુમલાઓ વધુ તીવ્ર બનાવશે અને અમને આશા છે કે 2 ફેબ્રુઆરી 2026 સુધીમાં કાશ્મીર આઝાદ થઈ જશે.
એવું કહેવાય છે કે આતંકવાદીઓનો આ મેળાવડો પાકિસ્તાનની ગુપ્તચર એજન્સી આઈએસઆઈ અને પાકિસ્તાની સેનાના વરિષ્ઠ અધિકારીઓના કહેવાથી આયોજિત કરવામાં આવ્યો હતો. પાક સેના પણ પહેલાથી જ આતંકીઓ સાથે મળેલી છે તે જાણીતી વાત છે એક તરફ, તેનો હેતુ ખૈબર પખ્તુનખ્વાના લોકોને સંદેશ આપવાનો હતો કે તેઓ પોતાને તેમનાથી એટલે કે પાકિસ્તાનથી મુક્ત કરવાનો પ્રયાસ ન કરે, કારણ કે આગામી દિવસોમાં, આતંકવાદી સંગઠન લશ્કર અને અન્ય આતંકવાદી સંગઠનો કાશ્મીર કબજે કરવાના છે. આ બેઠકમાં આતંકવાદીઓએ પોતાના શસ્ત્રોનું પ્રદર્શન પણ કર્યું.
રસપ્રદ વાત એ છે કે, એક તરફ, પાકિસ્તાનની કેન્દ્ર સરકાર સતત ખૈબર પખ્તુનખ્વા સરકાર પર આતંકવાદી સંગઠનોને ત્યાં ખીલવા દેવાનો આરોપ લગાવે છે અને તે તેમને રોકવાનો પ્રયાસ કરતી નથી. બીજી બાજુ, પાકિસ્તાનની કેન્દ્ર સરકાર પોતે ત્યાં આતંકવાદીઓના મોટા પરિષદોનું આયોજન કરે છે. જેમાં આતંકવાદીઓ માત્ર ઉશ્કેરણીજનક ભાષણો જ નથી આપતા પરંતુ તેમના શસ્ત્રોનું પ્રદર્શન પણ કરે છે.
