લસણનો શું ભાવ છે ?? શાકભાજી લેવા પહોંચ્યા રાહુલ ગાંધી, વીડિયો શેર કરીને સરકાર પર કર્યો કટાક્ષ

રાહુલ ગાંધીએ પોતાના એક્સ એકાઉન્ટ પર એક વીડિયો શેર કર્યો છે. જેમાં તે શાકમાર્કેટમાં શાકભાજીના ભાવ પૂછતા જોવા મળે છે. આ દરમિયાન કેટલાક સ્થાનિક લોકો અને મહિલાઓ પણ તેની સાથે છે. આ દરમિયાન તે અલગ-અલગ શાકભાજીના ભાવ પૂછે છે. મહિલાઓ કહી રહી છે કે આ વર્ષે શાકભાજીના ભાવમાં ઘટાડો થયો નથી. એક મહિલાએ કહ્યું કે સિઝનમાં 60 રૂપિયા પ્રતિ કિલો સુધી વેચાતા વટાણા આ વર્ષે 120 રૂપિયા પ્રતિ કિલોથી નીચે નથી આવી રહ્યા. મહિલાઓએ કહ્યું કે કોઈપણ શાકભાજીની કિંમત 30-35 રૂપિયા પ્રતિ કિલો નથી. રાહુલ ગાંધીએ આ વીડિયો સાથે કેપ્શનમાં લખ્યું છે કે ‘લસણ એક સમયે ₹40 હતું, આજે ₹400!’’

શાકભાજી ખરીદતી વખતે એક મહિલા કહે છે કે આખા વર્ષમાં એક પણ શાકભાજી સસ્તું નથી થયું. બટેટા અને ડુંગળી જે આપણા મધ્યમ વર્ગના લોકો માટે મૂળભૂત વસ્તુઓ છે તે સસ્તા થયા નથી. એક મહિલાએ રાહુલ ગાંધીને કહ્યું કે અમે ચાર-પાંચ શાકભાજી લેવા આવ્યા હતા, પરંતુ અમે બે શાકભાજી લઈને ઘરે જઈ રહ્યા હતા. આ દરમિયાન રાહુલ ગાંધીએ એક મહિલાને પૂછ્યું કે, તમને કેમ લાગે છે કે મોંઘવારી વધી રહી છે? જેના પર મહિલા ગુસ્સામાં કહે છે કે અહીં જે સરકાર બેઠી છે તેની આ વાત પર નજર નથી. તે ફક્ત પોતાના ભાષણોમાં વ્યસ્ત રહે છે. તેઓ નથી જોતા કે સામાન્ય લોકો આટલું મોંઘું ભોજન કેવી રીતે ખાશે.

“लहसुन कभी ₹40 था, आज ₹400!”

बढ़ती महंगाई ने बिगाड़ा आम आदमी की रसोई का बजट – कुंभकरण की नींद सो रही सरकार! pic.twitter.com/U9RX7HEc8A

— Rahul Gandhi (@RahulGandhi) December 24, 2024

રાહુલ ગાંધીનો આ વીડિયો દિલ્હીના ગિરીનગરની સામે હનુમાન મંદિર શાક માર્કેટનો છે. રાહુલ ગાંધી સાથે કેટલીક મહિલાઓ પણ છે. મહિલાઓનું કહેવું છે કે અમે રાહુલ ગાંધીને પણ અમારા ઘરે ચા માટે બોલાવ્યા છે. કેટલી મોંઘવારી છે તે પણ જુઓ. એક મહિલા કહે છે કે અમારું બજેટ ઘણું બગડી રહ્યું છે. કોઈનો પગાર વધ્યો નથી. પરંતુ જે શાકભાજીના ભાવ વધ્યા છે તે ઘટવાના કોઈ સંકેત દેખાતા નથી. શાકભાજી માર્કેટમાં પહોંચેલા રાહુલ ગાંધીએ મહિલાઓને પૂછ્યું કે આજે તેઓ શું ખરીદી રહ્યાં છે.

રાહુલ ગાંધી છેલ્લા ઘણાં સમયથી સોશિયલ મીડિયામાં મોંઘવારીના પ્રશ્નો ઉઠાવી રહ્યા છે. આ વીડિયોમાં તેઓ શાકમાર્કેટમાં જુદી-જુદી શાકભાજીના ભાવ પૂછી રહ્યા છે. અહીં રાહુલ ગાંધી સાથે અમુક મહિલાઓ પણ છે. આ દરમિયાન એક મહિલા કટાક્ષ કરે છે કે, દેશમાં સોનું સસ્તુ હશે પરંતુ લસણ નહીં.

દર વર્ષે મોંઘવારીમાં વધારો

આ વીડિયોમાં એક મહિલા કહેતી સંભળાય છે કે, એક સમયે બીટ રૂ. 30-40 પ્રતિ કિગ્રાના ભાવે મળતું હતું, જે આજે 60 રૂપિયે કિલો મળે છે. વટાણા પણ 120 રૂપિયે કિલો થયા છે. રાહુલ ગાંધીને મહિલાઓ ફરિયાદ કરે છે કે, મોંઘવારી દરવર્ષે વધી રહી છે. જેનાથી આર્થિક ખેંચ પડી રહી છે. જીએસટીના લીધે ઘણી ચીજોના ભાવ પણ વધ્યા છે.