લોન ભરપાઈ ન કરાતા દૂધસાગર રોડ ઉપર ક્વાટર્સ જપ્ત

રાજકોટ નાગરિક બેન્કની 4.94 લાખની બાકી લોનની વસુલાત માટે જપ્તીની કાર્યવાહી

રાજકોટ નાગરિક સહકારી બેન્કમાંથી લોન મેળવ્યા બાદ રૂપિયા 4.94 લાખની લોનની ચુકવણી નહીં કરવામાં આવતા સીટી મામલતદાર દ્વારા ધ સિક્યુરાઇઝેશન એક્ટ મુજબ શહેરના દૂધસાગર રોડ ઉપર આવેલ હાઉસિંગ બોર્ડ કોલોનીનું ક્વાટર્સનો કબ્જો લઈ નાગરિક બેન્કને સોંપી આપવામાં આવ્યો હતો.

પ્રાપ્ત વિગતો મુજબ રાજકોટ નાગરિક સહકારી બેંકમાંથી મહેમુદભાઈ અબ્દુલશકુર દોસાણી અને ગુલશનબેન ગુલાબભાઈ બેલીમે લોન લીધા બાદ રૂપિયા 4,94,290-00 અને ત્યારબાદના ચડત વ્યાજની રકમ નહીં ચુકવતા જિલ્લા કલેકટરના હુકમ બાદ સીટી મામલતદાર એસ. જે. ચાવડા, મામલતદારની સૂચના મુજબ સત્યમ શેરસીયાએ રાજકોટ શહેરના સીટી સર્વે વોર્ડ નંબર 12, ટી.પી. સ્કીમ નં.-7,એફ. પી. નં.-80,91 તથા 94, રેવન્યુ સર્વે નં.-167 તથા 168 પૈકીના ગુજરાત હાઉસિંગ બોર્ડ દ્વારા બનાવવામાં આવેલ ક્વાર્ટર  પૈકી ચો.મી. 23.60 ઉપર આવેલ ફ્લેટ નંબર.-એલ-1440 આવેલ મકાનનો કબજો લઈ નાગરિક બેન્કને સોંપી આપ્યો હતો.