પોરબંદરથી ઝડપાયો પાકિસ્તાની એજન્ટ : ગુપ્ત માહિતી પાકિસ્તાન પહોંચાડતો

પોરબંદરની એક તમાકુ ફેક્ટરીમાં કામ કરતા પંકજ કોટિયા નામના શખ્સની ધરપકડ કરવામાં આવી છે. એન્ટી ટેરરીસ્ટ સ્કવોડને એવી માહિતી હતી કે આ શખ્સ જુદી જુદી સુરક્ષા એજન્સીઓની ગુપ્ત માહિતી મેળવીને રિયા નામની પાકિસ્તાની એજન્ટને પહોંચાડતો હતો.

સુત્રોના જણાવ્યા અનુસાર, કોસ્ટગાર્ડ સહિત દરિયાઇ સુરક્ષા એજન્સીની જાસૂસી બદલ આ શખ્સની BNSની કલમ ૬૧ અને ૧૪૮ મુજબ ધરપકડ કરવામાં આવીછે. . હાલ આ જાસૂસની પૂછપરછ કરવામાં આવી રહી છે. આ દરમિયાન કેટલાક મોટા ખુલાસા થઇ શકે છે.

મળતી માહિતી અનુસાર, છેલ્લા આઠ મહિનાથી પાકિસ્તાન નેવીને કોસ્ટ ગાર્ડની ગુપ્ત માહિતી પહોંચાડતો હતો. ગુપ્ત માહિતી વોટ્સએપ અને ઈન્સ્ટાગ્રામના માધ્યમથી પાકિસ્તાનમાં રીયા નામના અધિકારીને પહોંચાડતો હતો. આરોપીના ખાતામાં પાકિસ્તાનથી 26 હજાર રૂપિયા જમા થયા છે.