પાડોશીના નામે ફોન કરી ગઠિયાએ યુવકનું ખાતું ખાલી કરી નાખ્યું
હોસ્પિટલમાં પૈસાની જરૂરિયાત હોવાનું કહી કટકે-કટકે ઓનલાઈન 26 હજાર ખાતાં જમા કરાવી લીધા : પોલીસે ગુનો નોંધ્યો
રાજકોટમાં રેલનગર પાસે રામેશ્વર પાર્કમાં રહેતા યુવાનને મિત્રના નામે ફોન કરી સંબંધીને હોસ્પિટલમાં પૈસાની જરૂર છે. મારા એકાઉન્ટમાંથી ઓનલાઇન પૈસા ટ્રાન્સફર નથી થઈ રહ્યા જેથી તમારા એકાઉન્ટમાંથી પૈસા ટ્રાન્સફર કરી આપો કહી યુવાન સાથે રૂ.૨૩ હજારની છેતરપિંડી કરતા યુનિવર્સીટી પોલીસમાં ગુનો નોંધાયો છે.
વિગતો મુજબ, રેલનગર મેઇન રોડ પર રામેશ્વર પાર્ક શેરી નં.૧ માં રહેતા અને ઇલેક્ટ્રિકનું કામ કરનાર પિયુષ ગિરીશભાઈ ટાંક (ઉ.૫ ૩૭) દ્રારા નોંધાવેલી ફરિયાદમાં જણાવ્યું હતું કે,તે રૈયાધાર વિસ્તારમાં ઇલેક્ટ્રિકનું કામ કરતો હતો.ત્યારે અજાણ્યા નંબર પરથી ફોન આવ્યો હતો અને તેણે કહ્યું હતું કે, હું શિવેન્દ્રભાઈ બોલું છું તમે મને ઓળખો છો? જેથી યુવાને કહ્યું હતું હા તમને ઓળખું છુ તમે રેલવેમાં નોકરી કરો છો અને મારી બાજુની શેરીમાં રહો છો. તેમ વાત કર્યા બાદ આ શખ્સે કહ્યું હતું કે, મારો મિત્ર દવાખાનાની લાઇનમાં ઊભો છે તેને પૈસાની જરિયાત છે.અને મારા ખાતામાંથી પૈસા ટ્રાન્સફર થતા નથી જેથી તમે પૈસા મોકલી આપો તેમ કહી ક્યુઆર કોડ મોકલ્યો હતો.બાદમાં યુવકે તેમાં પેમેન્ટ કરતા કોઈ એરર આવતી હોવાની કહેતા સામે ફોનમાં વાત કરતી વ્યક્તિએ યુવક પાસેથી પાસવર્ડ અને આઈડી મેળવી લઇને કટકે કટકે 26 હજાર ખાતામાં ટ્રાન્સફર તેનું ખાતું ખાલી કરી નાખ્યું હતું.બાદમાં તેણે પોતાની સાથે સાયબર ફ્રોડ થયો હોવાનો અહેસાસ થતાં તેણે આ મામલે પ્રથમ સાયબર હેલ્પલાઇન પર અરજી કર્યા બાદ ફરિયાદ નોંધાવી છે.
