રાજય સરકારના વર્ગ-4ના કર્મચારીઓને દિવાળીની ભેટ: મળશે આટલા હજાર બોનસ, જાણો કોને-કોને મળશે આ લાભ
દિવાળીને હવે ગણતરીના જ દિવસો બાકી રહ્યા છે ત્યારે મુખ્યમંત્રી ભૂપેન્દ્ર પટેલે વર્ગ-4ના કર્મચારીને દિવાળીની ભેટ આપી છે. આગામી દિવાળીના તહેવારો વર્ગ-4ના કર્મચારીઓ ઉત્સાહપૂર્વક ઉજવી શકે તે માટે રૂપિયા 7000 હજારની મર્યાદામાં એડહોક બોનસ આવા વર્ગ-4ના કર્મચારીઓને આપવાનો નિર્ણય કર્યો છે.
મુખ્યમંત્રી ભૂપેન્દ્ર પટેલ દ્વારા વધુ એક હિતલક્ષી નિર્ણય લેવામાં આવ્યો છે. દિવાળીનો તહેવાર એ ખુશીનો તહેવાર છે ત્યારે આગામી દિવાળીના તહેવારો વર્ગ-4ના કર્મચારીઓ ઉત્સાહપૂર્વક ઉજવી શકે તે માટે રૂપિયા 7000 ની મર્યાદામાં એડહોક બોનસ આવા વર્ગ-4 ના કર્મચારીઓને આપવાનો નિર્ણય કર્યો છે. જેનાથી કર્મચારીઓમાં ખુશીની લહેર છવાઈ ગઈ છે.
આ પણ વાંચો :બિહાર વિધાનસભાની ચૂંટણીની જાહેરાત: બે તબક્કામાં થશે મતદાન, 14 નવેમ્બરે પરિણામ, 40 દિવસ સુધી ચાલશે ચૂંટણી પ્રક્રિયા
રૂા.7000ની મહત્તમ મર્યાદામાં બોનસનો વર્ગ-4ના અંદાજે 16921 કર્મચારીઓ તથા રાજ્ય મંત્રીમંડળ પરના મહેકમ પરના, વિધાનસભા અધ્યક્ષના, દંડકના, નાયબ દંડક અને ઉપદંડક તથા પંચાયત, યુનિવર્સિટી સંલગ્ન કોલેજો, ગ્રાન્ટ ઈન એઈડ શાળા અને કોલેજ તથા જેમને બોર્ડ કોર્પોરેશન દ્વારા બોનસ ચુકવવામાં આવતું નથી તેવા રાજ્ય સરકારના બોર્ડ કોર્પોરેશનમાં ફરજ બજાવતા વર્ગ-4ના કર્મચારીઓને આનો લાભ મળવાપાત્ર થશે. મુખ્યમંત્રીએ રાજ્ય સરકારના નાણાં વિભાગને આ અંગેના જરૂરી આદેશો કરવાના દિશાનિર્દેશો પણ આપ્યા છે.
