આતુરતાનો અંત… Appleએ લૉન્ચ કરી iPhone 16 અને iPhone 16 Proની સીરિઝ, જાણો ભારતીય કિંમત અને નવા ફીચર્સ વિશે  

iPhone યુઝર્સ જેની રાહ જોતાં હતા તેનો અંત આવ્યો છે. Apple દ્વારા Iphone 16 અને iPhone 16 Proની સીરિઝ લોન્ચ કરવામાં આવી છે. આ સિવાય કંપનીએ Apple Watch Series 10, Apple Watch Ultra 2 અને Apple AirPods 4 લોન્ચ કરી છે. અહીં અમે આ નવા હેન્ડસેટની ભારતીય કિંમત અને વિશેષતાઓ વિશે જણાવવા જઈ રહ્યા છીએ. ચાલો તેમના વિશે એક પછી એક જાણીએ.

iPhone 16 સિરીઝના પ્રી-ઓર્ડર 13 સપ્ટેમ્બરથી શરૂ થશે. તમે 13મી સપ્ટેમ્બરે સાંજે 5.30 વાગ્યાથી નવા iPhone પ્રી-બુક કરી શકશો. પ્રી-બુકિંગ માટે તમે Apple Indiaની સત્તાવાર વેબસાઇટની મુલાકાત લઈ શકો છો. આ ઉપરાંત, તમે Apple Store, Unicorn Store, Amazon, Flipkart જેવી મોટી ઈ-કોમર્સ વેબસાઇટ્સની પણ મુલાકાત લઈ શકો છો. કંપની 20 સપ્ટેમ્બર 2024થી iPhone 16 સિરીઝનું વેચાણ શરૂ કરશે.

iPhone 16 અને iPhone 16 Pro સિરીઝ સંપૂર્ણપણે નવી શૈલીમાં લોન્ચ કરવામાં આવી છે. તે એકદમ નવી ડિઝાઇન, નવું એક્શન બટન, અપગ્રેડેડ કેમેરા અને આકર્ષક કલર વેરિઅન્ટ ધરાવે છે. તેની શરૂઆતી કિંમત 79,900 રૂપિયા છે.

iPhone 16 અને iPhone 16 Plusની કિંમત

iPhone 16 અને iPhone 16 Plus પાંચ કલર વેરિઅન્ટમાં રજૂ કરવામાં આવ્યા છે, જે અલ્ટ્રામરીન, ટીલ, પિંક, વ્હાઇટ અને બ્લેક છે. તેમાં 128GB, 256GB અને 512GB સ્ટોરેજનો વિકલ્પ છે. iPhone 16 ની શરૂઆતની કિંમત 79,900 રૂપિયા અને iPhone 16 Plusની શરૂઆતની કિંમત 89,900 રૂપિયા છે.

iPhone 16 Pro અને 16 Pro Maxની કિંમત

iPhone 16 Pro (128GB)ની પ્રારંભિક કિંમત રૂ. 1,19,900 છે. iPhone 16 Pro Max (256GB)ની શરૂઆતી કિંમત રૂ. 1,44,900 છે.

iPhone 16 અને iPhone 16 Plusના ફીચર્સ

તમને iPhone 16માં 6.1-ઇંચની ડિસ્પ્લે અને iPhone 16 Plusમાં 6.7-ઇંચની ડિસ્પ્લે મળશે. સ્ક્રીનની બ્રાઇટનેસ 2000 Nits છે. આમાં તમારી પાસે કેમેરા કેપ્ચર બટન છે, જેની મદદથી તમે એક ક્લિકમાં કેમેરાને એક્સેસ કરી શકશો. આ સિવાય યુઝર્સ ફોટો પણ ક્લિક કરી શકશે.

નવો ચિપસેટ iPhone 16માં ઉપલબ્ધ થશે

iPhone 16 સીરીઝમાં A18 ચિપસેટ આપવામાં આવી છે. કંપનીએ કહ્યું કે આ પ્રોસેસર માત્ર સ્માર્ટફોન સાથે જ નહીં પરંતુ ઘણા ડેસ્કટોપ સાથે પણ સ્પર્ધા કરી શકે છે. તેમાં એપલ ઈન્ટેલિજન્સનું ફીચર છે, જેની સાથે પ્રાઈવસીનું પણ ધ્યાન રાખવામાં આવ્યું છે.

iPhone 16 Pro સિરીઝ પણ લોન્ચ કરવામાં આવી

ગયા વર્ષની જેમ આ વર્ષે પણ એપલે પ્રો સીરીઝ હેઠળ બે હેન્ડસેટ લોન્ચ કર્યા છે, જોકે આ વખતે કંપનીએ ડિસ્પ્લેની સાઈઝ વધારી છે. તેમના નામ iPhone 16 Pro અને iPhone 16 Pro Max છે. આ હેન્ડસેટમાં Apple Intelligence આપવામાં આવી છે. કંપનીએ iPhone 16 Pro સિરીઝમાં ફરીથી ટાઈટેનિયમનો ઉપયોગ કર્યો છે.

iPhone 16 Proમાં 6.3 ઇંચની ડિસ્પ્લે છે, જ્યારે iPhone 16 Pro Maxમાં 6.9 ઇંચની ડિસ્પ્લે છે. ગયા વર્ષે લોન્ચ કરાયેલ iPhone 15 Proમાં 6.1 ઇંચની ડિસ્પ્લે હતી અને iPhone 15 Pro Maxમાં 6.7 ઇંચની ડિસ્પ્લે હતી.

પાવરફુલ ચિપસેટ A18 Pro ચિપ મળશે

iPhone 16 Pro લાઇનઅપમાં A18 Pro ચિપ સાથે 16-કોર ન્યુરલ એન્જિન છે. આ અંગે કંપનીનો દાવો છે કે તે શાનદાર પરફોર્મન્સ આપશે. તે iPhone 15 Pro કરતા 15 ટકા ઝડપી હશે.

એપલ વોચ સીરીઝ 10 ભારતમાં લોન્ચ કરવામાં આવી

ભારતમાં Apple Watch Series 10ની કિંમત 46900 રૂપિયા રાખવામાં આવી છે. કંપનીનો દાવો છે કે આ અત્યાર સુધીની સૌથી પાતળી અને સૌથી હળવી સ્માર્ટવોચ છે. તેમાં મોટી ડિસ્પ્લે છે. એપલ વોચ સીરીઝ 10 વિશે, કંપનીનો દાવો છે કે તે માત્ર 30 મિનિટમાં 80 ટકા ચાર્જ થઈ જાય છે.

એપલ વોચ અલ્ટ્રા 2 લોન્ચ

સોમવારની ઇવેન્ટમાં Apple Watch Ultra 2 પણ લોન્ચ કરવામાં આવી છે. આ અત્યંત ટકાઉપણું અને ઉચ્ચ પ્રદર્શન સાથેની ઘડિયાળ છે. સુરક્ષા માટે, તેમાં રગ્ડ ટાઇટેનિયમ કેસ અને સ્ક્રેચ-રેઝિસ્ટન્ટ સેફાયર ફ્રન્ટ ક્રિસ્ટલ છે. તેમાં ડ્યુઅલ ફ્રીક્વન્સી જીપીએસ છે. Apple India વેબસાઇટ પર તેની કિંમત જાહેર કરવામાં આવી નથી.

Apple AirPods 4 લોન્ચ

Apple એ ભારતમાં AirPods 4ને બે વેરિઅન્ટમાં લોન્ચ કર્યા છે, જેમાંથી એક ANC મોડલ છે, જ્યારે બીજું Non ANC મોડલ છે. ભારતમાં AirPods 4 (ANC વગર) ની કિંમત 12,900 રૂપિયા છે. AirPods 4 ANCની કિંમત 17,900 રૂપિયા છે. તેનો પ્રી ઓર્ડર શરૂ થઈ ગયો છે. AirPods 4 100 ટકા ફાઇબર આધારિત સામગ્રીમાંથી બનાવવામાં આવે છે.