પનીર, મરચા પાઉડર, ડ્રાયફ્રૂટ કુકીઝના નમૂના લેતી મનપા
શીતલ પાર્ક ચોકડી નજીક ગુજરાત ફૂડસ, સાધુ વાસવાણી રોડ પર માર્વેલસ બેકરી સહિતને ત્યાં ચેકિંગ
મહાપાલિકાની ફૂડ શાખા દ્વારા દર સપ્તાહે ખાણીપીણીનું વેચાણ કરતાં ધંધાર્થીઓને ત્યાં કરવામાં આવતા ચેકિંગ અંતર્ગત આ વખતે પનીર, મરચા પાઉડર, ડ્રાયફ્રૂટ કુકીઝ સહિતના નમૂના લઈ તેમાં કોઈ ભેળસેળ છે કે નહીં તેની ખરાઈ કરવા નમૂના લેબોરેટરીમાં મોકલવામાં આવ્યા છે.
ફૂડ શાખા દ્વારા ૧૫૦ ફૂટ રોડ પર શીતલ પાર્ક ચોકડી નજીક હિંમતનગર મેઈન રોડ પર આવેલા ગુજરાત ફૂડઝમાંથી ડેનકીન પનીર, સાધુ વાસવાણી રોડ પર પાટીદાર ચોકમાં આવેલી માર્વેલસ બેકરીમાંથી માર્વેલસ ડ્રાયફ્રૂટ કુકીઝ, પરાબજારમાં ગોળપીઠ ચોકમાં સુધીર એન્ડ કંપનીમાંથી હાથી મરચા પાઉડર અને નાનામવા રોડ પર રાજનગર સોસાયટીમાં શ્રીનાથજી ટે્રડર્સમાંથી સોનેટ મરચા પાઉડરના નમૂના લેવામાં આવ્યા હતા.
આ ઉપરાંત મોરબી રોડ તેમજ ગંગોત્રી પાર્ક મેઈન રોડ વિસ્તારમાં ખાદ્યવસ્તુનું વેચાણ કરતાં ૩૯ ધંધાર્થીઓને ત્યાં ચેકિંગ કરાતા ૧૯ પાસે લાયસન્સ ન હોવાનું સામે આવ્યું હતું.
