શું તમે જાણો છો તાવ આવે પછી ડેન્ગ્યુ ટેસ્ટ ક્યારે કરાવવો જોઈએ ?
વરસાદની મોસમમાં ડેન્ગ્યુ તાવનું જોખમ નોંધપાત્ર રીતે વધી જાય છે. તે એડીસ ઇજીપ્તી મચ્છર દ્વારા ફેલાતો વાયરલ રોગ છે. ડેન્ગ્યુના લક્ષણો વિશે વાત કરીએ તો, તેમાં ઉંચો તાવ, માથાનો દુખાવો, સ્નાયુઓ અને સાંધામાં દુખાવો, ચામડી પર ચકામા અને ક્યારેક ઉલટી અને ઝાડાનો સમાવેશ થાય છે.
ગંભીર કિસ્સાઓમાં ડેન્ગ્યુ તાવ હેમરેજીક ડેન્ગ્યુમાં ફેરવાય છે. સાથે જ લોકોને એક પ્રશ્ન છે કે ડેન્ગ્યુનો ટેસ્ટ ક્યારે કરાવવો જોઈએ.ડેન્ગ્યુનો ટેસ્ટ 3 થી 7 દિવસમાં કરાવવો જરૂરી છે. આ પરીક્ષણોના ત્રણ પ્રકાર છે, પ્રથમ NS1 એન્ટિજેન છે. આનો અર્થ એ છે કે અમે વાયરસ શોધી રહ્યા છીએ. લોહીમાં કેટલા વાયરસ છે તે આ ટેસ્ટ દ્વારા જ જાણી શકાય છે. વાયરસ આટલા દિવસમાં બમણી ગતીએ વધે છે. જો તમે 3 દિવસ પહેલા ટેસ્ટ કરાવો છો, તો ક્યારેક ડેન્ગ્યુ નેગેટિવ આવે છે અને તમે ચિંતા છોડી દો છો, જે પછીથી સમસ્યા વધારી શકે છે. NS1 એન્ટિજેન ટેસ્ટ પ્રારંભિક તબક્કામાં ડેન્ગ્યુના ચેપને ઓળખવામાં મદદ કરે છે.
IgM ટેસ્ટ ડેન્ગ્યુ વાયરસ સામે શરીરની રોગપ્રતિકારક શક્તિને માપે છે. ખાસ કરીને, IgM એન્ટિબોડીઝ તાવના 5 થી 7 દિવસ પછી લોહીમાં જોવા મળે છે, તેથી જો IgM પરીક્ષણ તાવની શરૂઆતના પ્રથમ 5 દિવસમાં કરવામાં આવે તો તે નકારાત્મક હોઈ શકે છે.
